De parsec (mêervoud: parsecs, ofkortienge: pc) is een ofstandsmoate die gebruukt wordt in d' astronomie.
De name parsec kom van de wôordn Parallax en Boogseconde.
De parsec is den ofstand dat een mens van d' Eirde in de ruumte moe goan vo de gemiddeldn ofstand tusschn de Zunne en d'Eirde ounder een hoek van êen boogseconde te zien.
Deur de bewegienge van d' Eirde round de Zunne oscillèrt een sterre gelik dat je gezien wordt van d' Eirde over een ofstand van 2 parsecs ot de sterre lôodrecht up 't omwenteliengsvlak van d' Eirde round de Zunne stoat.
De gemiddeldn ofstand van d' Eirde toet an de Zunne is 1 astronomischn êenheid (AE) of 149.597.870.691 meters. Dien ofstand wordt ounder een hoe van êen boogseconde gezien van een ofstand van êen parsec of 3,085 677 580 666 31 × 1016 m. Dat is 't zelste gelik 3,26 lichtjoar of 206.264,8062 AE.
Vo historische en praktische redens gebruukn astronoomn dikwils de parsec in plekke van 't lichtjoar vor astronomische ofstandn an te duudn. De parsec is ook, in tegenstellienge toet 't lichtjoar, een toegeloatn nie-SI êenheid.
Vo grôtere ofstandn wordn de kiloparsec, megaparsec en gigaparsec gebruukt:
Grôtere êenheedn zyn in d' astronomie nie nôdig. Met een leeftyd van omtrent 14 miljard joar is de woanimboare grôotte van 't heelal 14 Gigalichtjoar, of omtrent 4 Gigaparsec.
This article uses material from the Wikipedia West-Vlams article Parsec, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.