2 Palaso: Asteroido
Palaso, oficiale 2 Pallas, estas la tria plej granda asteroido en la asteroida zono (averaĝa diametro de 524 km) kaj la dua kiun oni malkovris.
2 Palaso .svg){kind=small} | |
| asteroido | |
.svg) astronomia simbolo | |
 | |
| asteroido | |
|---|---|
| Aliaj nomoj | A802 FA vd |
| Astronomia simbolo | vd |
| Nomita laŭ | Atena, Pallada vd |
| Malkovro | |
| Malkovrinto | Heinrich Olbers |
| Dato de malkovro | 28-a de marto 1802 vd |
| Loko de malkovro | Bremeno vd |
| Orbitaj ecoj | |
| Asteroida familio | asteroida zono vd |
| Granda duonakso - Periapsido - Apoapsido | 414,717×106 km 318,997 Gm (2,132 AU) vd 509,813 Gm (3,408 AU) vd |
| Discentreco | 0,231 |
| Meza anomaliangulo | 40,598° vd |
| Klinangulo | 34,926° vd |
| Periodo | 1 685,927 t |
| Longitudo de suprenira nodo | 172,919° vd |
| Argum. de periapsido | 310,873° vd |
| Fizikaj ecoj | |
| Diametro | 512 km vd |
| Maso - Denso | 2,060×1020 4 200 |
| Rotacia periodo | 7,8132 h |
| Atmosferaj kaj surfacaj ecoj | |
| Surfaca temperaturo | ~164 K |
| Albedo Geometria albedo | 0,1587 0,101 vd |
| Observaj ecoj | |
| Spektroklaso | B-tipa asteroido vd |
| Absoluta magnitudo | 4,12 vd |
Malkovro
Ĝin malkovris la 28-an de marto 1802 Heinrich Olbers, kiam li provis retrovi la preskaŭplanedon Cereso helpe de prognozoj faritaj de Carl Friedrich Gauss. Olbers malkovris ankaŭ 4 Vesta.
Historio de la malkovro
En 1801, la astronomo Giuseppe Piazzi ekvidis ion, kiu aspektis kiel kometo. Iom poste, li anoncis la malkovron de objekto, kies movo estis tro malrapida kaj unuforma por esti tiu de kometo. Li sugestis, ke temis pri novtipa objekto. Tiu objekto malaperis malantaŭ la Suno. Retrovis ĝin kelkajn monatojn poste barono Franz Xaver von Zach kaj Heinrich Olbers, danke al kalkulo farita de Gauss. Tiun objekton oni nomis Cereso (aŭ 1 Ceres); ĝi estis la unua malkovrita asteroido.
Iom poste, Olbert, provante lokalizi Cereson, rimarkis alian objekton proksime. Estis Palaso, kiu hazarde pasis apud Cereso.
Oni atendis la malkovron de unu nova planedo inter Marso kaj Jupitero, sed ne de du.
En 1947, la japana astronomo Kiyotsugu Hirayama, studante asteroidajn movojn, malkovris, ke ĉi tiuj estas klaseblaj en diversaj grupoj kaj malkovris tri asteroidojn samgrupajn kiel Palaso; li nomis tiujn: la Palasa familio. De 1994, pli ol dek anoj de tiu familio estis malkovritaj, kaj en 2002, la ekzisto de tiu familio estis konfirmita per la spektro de ties anoj.
Nomo
Pallas estis nomita laŭ la greka diino Pallas Atena diino de saĝo, scienco kaj artoj.
Ecoj
Orbitaj ecoj
- Afelio: 510.468 Gm (= 3.412 A.U.)
- Perihelio: 319.005 Gm (= 2.132 A.U.)
- Granda duonakso: 414,737 Gm (= 2,772 A.U.)
- Orbita periodo: 1686.044 tagoj (= 4.62 jaroj)
- La palasa orbito havas grandan inklinacion: 34,21 ° rilate al la meza plano de la sunsistemo (34,838° rilate al la ekliptiko).
- La rotaciperiodo de Pallas estas 7 horoj kaj 49 minutoj kaj ĝia aksa dekliniĝo estas estimata al 78° ± 13°. Oni ne scias ĉu la rotacio estas prograda aŭ retrograda.
Aliaj ecoj
La mason oni kalkulis je 1,21 × 10−10 sunmasoj aŭ 2,41 × 1020 kilogramoj.
Pere de observado de steleklipsoj estas deduktebla la grandeco: la formo de Pallas sekve de tio estas triaksa elipsoido kun aksolongecoj de 574 ± 10 km, 526 ± 3 km kaj 501 ± 2 km. Bone konforme kun tio, el observadoj de la Infraruĝa Astronomia Satelito (infrared astronomical satellite) oni deduktis averaĝan diametron de 523 ± 20 km. Tiel Pallas estas, krom Cereso, la plej granda astro de la klasika asteroida zono, sed ĝin superas laŭ maso kaj Cereso kaj 4 Vesta.
Ĝia surfaco, kies averaĝa albedo estas 0,159, konsistas el silikato, malriĉa je fero kaj akvo (tiatipaj mineraloj inkludas olivinon kaj piroksenon) kaj ĝia spektro similas tiun de karbon-kondraj meteoroidoj.
Notindaĵo
La ĥemia elemento Paladio, kiun oni malkovris en 1803 estis tiel nomata refere al la malkovro de Palaso, unu jaron antaŭe.
Notoj kaj referencoj
Eksteraj ligiloj
- Parametroj kaj simulado de orbito ĉe JPL Small-Body Database Lookup angle
- Objekto ĉe Minor Planet Center angle
- Objekto ĉe Space Reference angle
- france Pallas: mort-naskita planedo
- angle Estas tempo vidi la astroidon Pallas plej bone; el Universe Todaj – 18-a de februaro 2014
| Antaŭe: | Listo de asteroidoj (1 - 1000) | Poste: |
|---|---|---|
| Cereso | 2 Palaso | 3 Junono |
This article uses material from the Wikipedia Esperanto article 2 Palaso, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.