हरितगृह प्रभाव यक प्राकृतिक प्रक्रिया हो जै का लाग्दा कसै ग्रह या उपग्रह का वातावरण मी रयाः केइ ग्याँस वातावरण का तापमान लाइ अपेक्षाकृत अधिक बनौनाइ मदद अद्दाहान। इन हरितगृह ग्याँसअन मी कार्बन डाइअक्साइड, पानी को बाफ, मिथेन आदि शामिल छन। यदि हरितगृह प्रभाव नहुनो हो त शायदइ पृथ्वी मी जीवन हनेइथ्यो, क्याइकि तब पृथ्वी को औषत तापमान -१८° सेल्सियस हुनेइथ्यो जो कि वर्तमान मी १५° सेल्सियस छ।
सङताइ विश्व का औसत तापमान मी लगातार वृद्धि धेकीरैछ। इसो माणीन्छ कि मानवजनित कृयाकलापअन ले उत्पादित अतिरिक्त हरितगृह ग्याँसअन का लाग्दा इसो हन्नाछ।
हरितगृह प्रभावका अस्तित्वका बारेमी सन् १८२४ मी जोसेफ फुरियर ले बतायाः थ्यो। उनले दियाः तर्क र साक्ष्य लाइ सन् १८२७ रे सन् १८३८ मी क्लाउड पाउलेट ले आँजि मजबूत बनाइदियो। येइ विषयम मी प्रयोग रे अवलोकन अर्या पछा येइ का कारणका बारेमी जोन टिण्डल ले सन् १८५९ मी बतायाः थ्यो। पुइ लै सबहै पैली येइकि स्पष्ट आङ्किक जानकारी स्वाण्टे आर्रेनियसले सन् १८९६ मी दीयाः थ्यो। उनले पैल्लीकिबेर मात्रात्मक पूर्वानुमान लाइबर यो बतायाः थ्यो कि वायुमण्डलमी कार्बन डाइअक्साइड ग्याँसले यो हन्छ। पुइ लै कसै लै वैग्यानिकले हरितगृह आँखरको प्रयोग अरि राखेइनथ्यो। येइ आँखरको प्रयोग सब है पैल्ली निल्स गुस्टफ एकहोम ले सन् १९०१ मी अर्याः थ्यो।
सङताइ विश्व का औषत तापमान मी लगातार वृद्धि धेकीरैछ। इसो हना मी मानवजनित कृयाकलाप ले उत्पादित अतिरिक्त हरितगृह ग्याँस को भूमिका रयाः छ।
This article uses material from the Wikipedia डोटेली article हरितगृह प्रभाव, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलायाकी अवस्थाका बाहेकका हकमी । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki डोटेली (DUHOCTRUNGQUOC.VN) is an independent company and has no affiliation with Wiki Foundation.