पालक पनीर
पालक पनीर भारतीय उपमहाद्वीप मी बनायीन्या यक शाकाहारी परिकार हो। येइ लाइ पाल्ङो, टामटर, लसुन, गरम मसला रे और सामग्री का दुड़बुड़्या झोल मी पनीर राखिबर बनायिन्छ। येइ परिकार लाइ सागाऽ रूपमी तन्दुरि रोटि, नान या भात सित पस्क्न्या चलन छ।
.jpg) पालक पनीर | |
| Course | मुख्य |
|---|---|
| उद्भव स्थल | भारतीय उपमहाद्वीप |
| क्षेत्र या राज्य | उत्तर भारत |
| पस्कद्या तापमान | तातो |
| मुख्य सामल | पाल्ङो, पनीर, काट्योऽ प्याज |
 Cookbook: पालक पनीर  Media: पालक पनीर | |
आवश्यक सामान
- पिस्याऽ पाल्ङो दुइ सौ ग्राम
- पनीर सौ ग्राम नाना टुकुड़ा बनायि काट्याको
- लसुन यक कोपड़ो मसिनु काट्याको
- शुद्ध तोणाऽ तेल ५० मिलि लिटर
- हरियि डा स्वाद अन्सारअ (मसिनु काट्याको)
- जिरो रे धनिया सन्युतो पिस्याऽ डेड़ चाहा चम्चा
- आदो आधा चम्चा नाना टुकुड़ा बनायाऽ
- जिरा दाना यक चिम्टी
- नून स्वाद अनुसारोऽ
- नौनी यक चम्चा
- क्रिम यक चम्चा
बनौनेइ बिधि
- पाल्ङा लाइ साप अरिबर पानी ले पखाल रे पुइ नान-नाना टुकुड़ा मी काट। आब पाल्ङा लाइ २-३ मिनट थोक्काइ नून राखिबर उमाल।
- उमल्याऽ पाल्ङा लाइ छन्ना ले छानिबर १ मिनट खिलाइ ठण्ण पानी मी राख ता कि पाल्ङाऽ रङ्ङ जनउड़ो। आब जेदा पानी खितिबर येइ मी आदो रे हरियि डा राखिबर बाकलो हुन्या अरी पिस।
- पनीर लाइ नान-नाना टुकुड़ा हुन्या अरिबर काटिबर तेल या घी मी हल्का रता-करड़ा हुन्ज्याँ सम्म भुट रे निकाल।
- दोसरि भादलि मी तेल या घी राखिबर मसिनु अरि काट्याऽ प्याज, लसुन हालिबर थोक्कीदेर भुट। आब येइ मी पिस्याऽ पाल्ङो, नून, गरम मसला रे आवश्यकता अन्सारोऽ पानी राखिबर थोक्कीदेर पका।
- उमल्ल पस्या पाछा येइ मी भुट्याऽ पनीर राखिबर ३-४ मिनट पका।
- छाड्डीबार हल्का काग्जी रे धनिया राखिबर चला।
- लो पुइ रोटा, नान, परौठा या और खनाइ सित पस्कीनाइ पालक पनीर तयार छ।
सन्दर्भअन
भाईरा कडिअन
- पालक पनीर रेसिपी (Palak paneer Recipe)
- पालक पनीर Archived 2018-01-26 at the Wayback Machine.
This article uses material from the Wikipedia डोटेली article पालक पनीर, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलायाकी अवस्थाका बाहेकका हकमी । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki डोटेली (DUHOCTRUNGQUOC.VN) is an independent company and has no affiliation with Wiki Foundation.