खड्गप्रसाद ओली

२००८ साल फागुन ११, प्रख्यात नाउँ: केपी ओली) नेपालाः राजनीतिज्ञ तथा वर्तमान (४१ औं) प्रधानमन्त्री हुन्। राष्ट्रपति विद्यादेवी भण्डारी बठेइ संविधानाः धारा ७६ का उपधारा २ बमोजिम २०७४ फागुन ३ गते ओली प्रधानमन्त्री नियुक्त भयाः हुन्। येइ है पैली २०७२ मैं यिन पैल्ली कि फेर प्रधानमन्त्री होइरैथ्या। यिन पुर्व नेपाल कम्युनिष्ट पार्टी रे हाल नेकपा (एमाले) का वर्तमान अध्यक्ष हुन्। यिन विभिन्न समय मैं नेपालाः गृहमन्त्री, उपप्रधानमन्त्री एवं परराष्ट्रमन्त्री लै होइर्यान्। ओली विक्रम संवत् २०४८ साल मैं झापा क्षेत्र नम्बर ६ रे २०५९ साल मैं झापा क्षेत्र नम्बर २ बठेइ प्रतिनिधि सभा सदस्य मैं निर्वाचित होइरैथ्या। तसोइ अरिबर ओली विक्रम संवत् २०५१ बठेइ २०५२ तक्क गृहमन्त्री थ्या। विक्रम संवत् २०६४ बठेइ २०६५ तक्क ओली उपप्रधान एवम् परराष्ट्र मन्त्री होइरैथ्या। उन नेकपा एमाले को प्रतिनिधित्व अरिबर वि.सं. २०७२ असोज २४ गते नेपालाः ३८ औं प्रधानमन्त्री का रूप मैं निर्वाचित भयाः हुन्।

 

केपी शर्मा ओली को जनम वि.सं. २००८ साल फागुन ११ गते शनिबार (२२ फेब्रुअरी १९५२) मैं पूर्वी नेपालाः तेह्रथुम जिल्लाः यक बामन परिवार मैं भयाः हो। उन मोहन प्रसाद रे मधुमाया ओली का जेठा चेला हुन्। ओली चार वर्षाः हुन्ज्याँ शितला विमार लागबिर उनरि इजा मर्या पछा ओली उनरि बजेइ का रेखदेख मैं ठुला भयाः हुन्। उन ले प्राथविक विद्यालयोः शिक्षा तेह्रथुम बठेइ पायाः हुन् पछा उनरो परिवार दक्खिन झापा जिल्ला मैं बसाइ सर्या। उन आफुना प्रारम्भिक राजनीतिक जीवन मैं ज्यादातर झापा जिल्ला मैं बस्या।