नेदरल्यान्ड युरोप महादेशो यक प्रमुख देश हो। यो उत्तरी-पूर्वी यूरोप मी अवस्थित छ। येइ का उत्तरी तथा पश्चिमी ओणा मी उत्तरी समुद्र अवस्थित छ, दक्खिन मी बेल्जियम तथा पूर्व मी जर्मनी छन। नेदरल्यान्डै राजधानी एम्सटर्डम हो। द हेग लाई प्रशासनिक राजधानीयो दर्जा दियीन्छ।
नेदरल्यान्ड लाई अक्सर हल्यान्ड का नाउँ ले लै सम्बोधित अरीन्छ। सामान्यतः नेदरल्यान्डवासी रे याँ कि भाषा दुएइ खिलाइ डच शब्दो प्रयोग अरीन्छ।
नेदरल्यान्ड यूरोपाऽ उत्तर-पश्चिम मी समुद्राऽ किनार मी रयाऽ देश हो। येइ लाई हल्यान्ड लै भण्णान्, पुइलै येइ को राष्ट्रिय नाउँ 'नेदरल्यान्ड' हो। येइ को अधिकांश क्षेत्र समुद्रतल है लै निच्चो छ, जै ला कारण ले येइ को नामकरण भयाऽ हो। येइ का पूर्व मी पश्चिमी जर्मनी, दक्षिण मी बेल्जियम, पश्चिम रे उत्तर मी उत्तरी सागर छन। येइ को क्षेत्रफल ३३,५९१ वर्ग किलोमीटर छ। येइ देशै सर्वाधिक लम्बाई ३०४ किलोमीटर (उत्तर-दक्षिण) तथा अधिकतम चौणाई २५६ किलोमीटर (दक्षिणपश्चिम है उत्तर-पूर्व) छ।
नेदरल्यान्ड पैल्ला संसदीय लोकतान्त्रिक देशअन मी है यक हो। यो यूरोपीय संघ (ई.यू.), नर्थ एटलांटिक ट्रीटी अर्गनाइजेशन (ना.टो.), आर्थिक एवं विकास संगठन (ओ.इ.सी.डी.) तथा विश्व व्यापार संगठन (डब्लू.टी.ओ.) को संस्थापक सदस्य हो। बेल्जियन तथा लक्जमबर्ग का सङ्ङ यो देश "बेनेलक्ज" आर्थिक संघो रूप लिन्छ।
येइ देश मी पाँच अन्तर्राष्ट्रिय अदालतअन छनः स्थायी मध्यस्थता अदालत (पी.सी.ए), अन्तर्राष्ट्रीय अदालत, पूर्वी युगोस्लावाकिया खिलाइ अन्तराष्ट्रीय अपराधिक ट्रिब्यूनल (आई.टी.सी.वाई), अन्तर्राष्ट्रीय अपराधिक अदालत (आई.सी.सी) तथा ट्रिब्यूनल फर लेबनान। यीन मी है पैल्ला चार अदालत, यूरोपियाली संघै खुफिया एजेन्सी (यूरोपोल) तथा न्यायिक सहयोगी एजेन्सी (यूरोजस्ट) नेदरल्यान्डाऽ द हेग शहर मी छन। योइ कारण हो कि "द हेग" शहर लाई विश्वयि 'न्यायिक राजधानी' लै भण्नान। १५७ देशै आर्थिक स्वतन्त्रतायि सूची मी नेदरल्यान्डो स्थान १५ छ।
नेदरल्यान्ड भौगोलिक हिसाब ले यक निच्चो देश है। येइ को लगभग २०% क्षेत्र समुद्रीतल है निच्चो छ। लगभग २१% बसोबास समुद्रीतल है निच्चा क्षेत्र मी छ तथा लगभग ५०% बसोबास समुद्रीतल है केवल यक मीटरै उचाई मी छ।
याँ यातायातोऽ भउत विस्तार होइरैछ। नौगम्य नदीइन तथा नहरअनै कूल लम्बाई ६,७६८ किलोमीटर छ जै मी है १,७१० किलोमीटर सम्म १०० या तै है जेदा मेट्रिक टनै क्षमतावला ज्याहाज जाइसक्दान। रेल मार्गअन मी लै भउती उन्नति होइरैछ।
सप्पै रेलअनै व्यवस्था 'दि नेदरल्यान्ड रेलवेज' (एन. वी.) नामक यक संयुक्त कम्पनी द्वारा हुन्छ। रोटरडम, ऐम्सटरडम, हेग नेदरल्यान्डाऽ प्रसिद्ध हवाईअड्डा हुन।
This article uses material from the Wikipedia डोटेली article नेदरल्यान्ड, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलायाकी अवस्थाका बाहेकका हकमी । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki डोटेली (DUHOCTRUNGQUOC.VN) is an independent company and has no affiliation with Wiki Foundation.