Yn Çheer Injil: çheer ayns sheear hwoaie yn Oarpey lesh croghaneyn 'sy Charib

T'ee ny reeriaght vunraghtoil gheynlagh ard-whaiylagh. Ta'n Çheer Injil çhemmit liorish Mooir Hostyn da'n twoaie as da'n sheear, liorish y Velg da'n jiass, as liorish y Ghermaan da'n shiar. She Amsterdam y preeu-valley as she ynnyd y reiltys yn Haag.

Koninkrijk der Nederlanden Reeriaght ny Çheer Injil
Brattagh Armys
Jarroo-raa: Je maintiendrai (Frangish) Shassee mee dy shickyr
Arrane ashoonagh: Het Wilhelmus
Preeu-valley (as y balley smoo)		Amsterdam1 52°21′ Hwoaie 04°52′ Hiar
Çhengey oikoil		Ollanish, Freeshlannish
Çhengaghyn ardjynagh er enney		Injil-Ghermaanish Ollanagh, Limburgish
Reiltys		Deynlaghys ard-whaiylagh as reeriaght vunraghtoil
-	Ree	Willem-Alexander
-	Ard-vinishter	Mark Rutte
Seyrsnys		veih'n Spaainey
-	Fogrit	26 Jerrey Souree 1581
-	Er enney	30 Jerrey Geuree 1648
Entreilys gys yn UO		25 Mart 1957
Eaghtyr
-	Yn clane	41,526 km² (135-oo) 16,033 mi ker
-	Ushtey (%)	18.41
Earroo yn phobble
-	Ooley 2018	17,200,671 (66-d)
-	Glooaght	414.2/km² (30-oo) 1,072.8/mi ker
LTS (CCK)		Ooley 2008
-	Yn clane	$677.490 billioon
-	Yn dooinney	$40,558 (10-oo)
LTS (ennymagh)		Ooley 2008
-	Yn clane	$876.970 billioon (15-oo)
-	Yn dooinney	$52,499
ALD (2007)		▲ 0.964 (feer ard) (6-oo)
Argid		euro (€)2 (EUR)
Traa ynnydagh		CET (UTC+1)
-	Souree (TTLS)	CEST (UTC+2)
Coad eddyr-voggyl		.nl3
Coad çhellvane		+31
1	She Amsterdam preeu-valley bunraghtoil ny çheerey, agh ta'n reiltys soit ayns yn Haag.
2	Roish 2002: guilder ny Çheer Injil
3	Ta .eu ymmydit myrane lesh çheeraghyn elley yn Unnaneys Oarpagh.

Ta'n ennym yn Ollan currit er y Çheer Injil dy mennick, agh cha nel eh shen kiart - ta'n Ollan Hwoaie as yn Ollan Yiass nyn gueiggaghyn ta jannoo seose y Çheer Injil. Ta ny focklyn Ollanagh ny Ollanish ymmydit son cur sheese er pobble, çhengey, as dagh red bentyn rish y Çheer Injil.

Va'n Çheer Injil nane jeh ny kied deynlaghtyn ard-whaiylagh, as v'ee ny çheer noa-emshiragh veih'n toshiaght. Mastey ught-lhiannooyn elley ta'n çheer ny bun-oltey jeh'n Unnaneys Oarpagh (UO), yn RCAH, yn RCTL, yn SHT, as ta reill Kyoto fo-screeuit eck. Myrane lesh y Velg as Lucsemburg t'ee jannoo seose yn unnaneys tarmaynagh Benelux. Ta'n çheer myr oalan son queig quaiylyn eddyrashoonagh: Quaiyl Veayn son Eddyr-Chiartaghey, Quaiyl Eddyrashoonagh y Chairys, y Ving Chimmeeagh Eddyrashoonagh son yn Eear-Yugoslaavey, y Whaiyl Chimmeeagh Eddyrashoonagh as y Ving Er Lheh son y Livaan. Ta ny kied kaire jeu nyn soie 'syn Haag myrane lesh y jantys fys kimmeeagh jeh'n UO, Europol. Lesh shen hooar y çheer yn ennym "preeu-valley leighoil y theihll".

Ta'n Çheer Injil ny çheer injil dy çheeroaylleagh, lesh 27% jeh eaghtyr as 60% jeh sleih-earroo ny çheerey fo ardjid ny marrey. Va ardjyn mooarey mooadit trooid lhiasaghey thallooin as freilt trooid corys yl-chast jeh claddee as cleighyn. Ta cooid vooar jeh'n Çheer Injil jeant seose jeh inveryn da tree awinyn Oarpagh mooarey, as ad jannoo seose deltey ny Rhiney-Meuse-Scheldt. Ta'n chooid smoo jeh'n çheer feer rea, agh ta cruink veggey ry-akin 'sy niar yiass as ta reaynyn jeh cruink injil ayns mean y çheer.

Ta'n Çheer Injil feer cummaltit lesh glooaght ard y phobble. T'ee dy mie er enney son ny mwyljyn geayee, laaylyn, braaigyn maidjagh, crockanys Ollanagh, caashey Gouda, ellyneyryn reayrtagh, daawheeylyn, as ayns bishaght, towseyn tradishoonagh as grayseyn theayagh lheid as y fuillaghtys soshialagh. Ayns ny bleeantyn shoh chaie haink er y çheer dy ve mie er enney er son ny polaaseeyn libraalagh lesh druggaghyn, streebeeys, homocheintys, myghin-varroo as geayrtnys.

Ta'n Çheer Injil rang-oardit 'sy 12-h ynnyd mastey 157 çheeraghyn myr nane jeh ny tarmaynyssyn capitlagh smoo seyr-vargagh 'sy theihll rere Ayndagh Seyrsnys Tarmaynagh.