Sophie Turner: Actores a aned yn 1996

Perfformiodd fel actores broffesiynol am y tro cyntaf fel y cymeriad Sansa Stark ar y gyfres deledu ffantasi HBO Game of Thrones (2011-2019), sydd wedi rhoi cydnabyddiaeth ryngwladol iddi.

Sophie Turner
Ganwyd	Sophie Turner  21 Chwefror 1996  Northampton
Man preswyl	Warwick, Chesterton, Warwickshire (Samian Ware Discovery Site), Toronto, Vancouver
Dinasyddiaeth	Lloegr
Alma mater	The King's High School for Girls
Galwedigaeth	actor, actor ffilm, actor teledu, ymgyrchydd
Plaid Wleidyddol	y Blaid Geidwadol
Priod	Joe Jonas
Perthnasau	Q113539142
Llinach	Jonas
Tîm/au	Tottenham Hotspur F.C.

Ymddangosodd Sophie yn y ffilm deledu The Thirteenth Tale (2013), ac ymddangosodd yn ei ffilm gyntaf, Another Me yn 2013. Ymddangosodd hefyd yn y comedi acsiwn Barely Lethal (2015) ac mae'n portreadu'r Jean Gray ifanc / Phoenix yn y gyfres ffilm X-Men (2016–2019).

Ganwyd Sophie yn Northampton, Lloegr ar 21 Chwefror 1996, yn ferch i Sally, athrawes ysgol feithrin, ac Andrew, sy'n gweithio i gwmni dosbarthu paledi. Symudodd i Chesterton, Swydd Warwick pan oedd hi'n 2 oed. Aeth i Ysgol Prep Warwick nes ei bod hi'n 11 oed, ac yna aeth i ysgol annibynnol The King's High School for Girls. Mae Sophie wedi bod yn aelod o'r cwmni theatr Playbox Theatre Company ers iddi fod yn 3 oed. Mae ganddi ddau frawd hŷn. Bu farw ei gefell cyn iddi gael ei geni.

Cafodd ei magu mewn tŷ mawr Edwardaidd yn Leamington Spa. Dywedodd Sophie "Roedd fy mhlentyndod yn hwyliog. Roedd gennym ni gytiau moch, ysgubor a phadog, ac roedden ni'n arfer chwarae'n wirion yn y mwd." Cafodd Sophie diwtor ar y set o Game of Thrones tan roedd hi'n 16 oed. Cafodd hi bump gradd TGAU (graddau A a phedwar B), gan gynnwys mewn Drama.

Cafodd Sophie ei chastio fel Sansa Stark, sef uchelwr ifanc, yn y gyfres ddrama ffantasi HBO Game of Thrones ym mis Awst 2009. Dechreuodd ffilmio ym mis Gorffennaf 2010, pan roedd hi'n 14 oed. Rôl deledu gyntaf Sophie oedd Sansa. Anogodd ei hathrawes ddrama iddi gael ei chlyweld ar gyfer y rhan, ac fe liwiodd ei gwallt yn felyn ar gyfer y rôl, ond yng nghyfres rhif 7, dechreuodd wisgo wigiau. Yn 2012, cafodd ei henwebu ar gyfer y Wobr Artist Ifanc am y Perfformiad Gorau mewn Cyfres Deledu - Actores Ifanc Cefnogol am ei pherfformiad fel Sansa, ochr yn ochr â'i chwaer ar y sgrîn, Maisie Williams. Ymddangosodd Turner ym mhob un o'r wyth cyfres.

 

Dechreuodd Sophie ganlyn â'r canwr Americanaidd, Joe Jonas, ym mis Tachwedd 2016, a chyhoeddodd eu dyweddïad ym mis Hydref 2017. Priodasant yng Nghapel Priodas Little White yn Las Vegas, Nevada ar 1 Mai 2019, yn syth ar ôl Gwobrau Cerddoriaeth y Billboard 2019. Roedd cyd-seren Game of Thrones, Maisie Williams, yn "un o ddwy" morwyn, ac roedd brodyr Joe, sef Kevin a Nick Jonas yn gwasanaethu fel gweision priodas. Perfformiodd y ddeuawd canu gwlad Dan + Shay eu cân "Speechless" wrth i Sophie gerdded i lawr yr eil.

Ffilm

Teledu

Fideos cerddoriaeth

• Sophie Turner ar yr Internet Movie Database

• Sophie Turner yng nghronfa ddata'r Ganolfan Ddylunio