Henry Vaughan: Bardd
Bardd Metaffisegol Cymreig yn yr iaith Saesneg oedd Henry Vaughan (17 Ebrill 1621 – 23 Ebrill 1695).
| Henry Vaughan | |
|---|---|
| Ganwyd | 17 Ebrill 1621  Llansantffraed (Aberhonddu) |
| Bu farw | 23 Ebrill 1695, 28 Ebrill 1695 Sir Fynwy |
| Dinasyddiaeth |  Cymru |
| Alma mater | |
| Galwedigaeth | meddyg, economegydd, bardd, ysgrifennwr, cyfieithydd |
Bywgraffiad
Ganed ef a'i efaill, yr athronydd Thomas Vaughan, yn nhreflan Trenewydd, Sgethrog, Sir Frycheiniog yn 1621/1622. Roedd ei daid yn berchennog Llys Tre-tŵr.
Bu'n fyfyriwr yng Ngholeg Yr Iesu, Rhydychen, er na raddiodd yno, a bu'n astudio'r gyfraith am gyfnod yn Llundain cyn cael ei alw adref ar ddechrau Rhyfeloedd Cartref Lloegr. Roedd yn cefnogi'r blaid frenhinol yn ystod y Rhyfelau Cartref. Cafodd droedigaeth grefyddol tua'r flwyddyn 1650 o dan ddylanwad George Herbert. Bu'n darllen llyfrau defosiynol a gweithiau ar athroniaeth gudd a chyfrin. Dechreuodd weithio fel meddyg.
Ysgrifennodd Siegfried Sassoon soned iddo: "At the Grave of Henry Vaughan".
Bu farw yn 1695 ac fe'i gladdwyd yn Llansantffraed, Sir Frycheiniog.
Llyfrau
- Henry Vaughan Selected Poems
- Poems (1646)
- Silex scintillans (1650)
- Olor Iscanus (1651). Cyhoeddwyd gan ei gyfaill Thomas Powell, efallai.
- The Mount of Olives (1652)
- Flores Solitudinis (1654)
- Thalia Rediviva (1678)
Cymynrodd
Ymwelodd y bardd Seisnig Siegfried Sassoon â'r bedd Vaughan ac ysgrifennodd y soned "At the Grave of Henry Vaughan" ym mis Awst 1924.
This article uses material from the Wikipedia Cymraeg article Henry Vaughan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.