Elin Wägner
Ffeminist a swffragét o Sweden oedd Elin Wägner (16 Mai 1882 - 7 Ionawr 1949) a oedd yn newyddiadurwr, yn berson cyhoeddus, yn ecolegydd cynnar ac yn heddychwraig.
Fe'i derbyniwyd yn rhan o Academi Sweden yn 1944.
| Elin Wägner | |
|---|---|
 | |
| Ganwyd | 16 Mai 1882  Lund Cathedral parish |
| Bu farw | 7 Ionawr 1949 Berg parish |
| Dinasyddiaeth |  Sweden |
| Galwedigaeth | newyddiadurwr, ysgrifennwr, ymgyrchydd dros bleidlais i ferched |
| Swydd | seat 15 of the Swedish Academy |
| Tad | Sven Wägner |
| Priod | John Landquist |
| Gwobr/au | Prif Gwobr Samfundet De Ni |
Ganed Elin Matilda Elisabet Wägner yn Lund yn ne Sweden ar 16 Mai 1882 a bu farw yn Kronoberg ac fe'i claddwyd ym Mynwent Norra.
Roedd yn ferch i brifathro ysgol, a phan oedd yn dair oed, bu farw ei mam. Bu'n briod i John Landquist.
Hawliau merched
Sefydlodd Rädda Barnen, sy'n cyfateb i Gynghrair Rhyngwladol Save the Children, ac am ddatblygu Ysgol y Dinesydd Benywaidd yn Fogelstad, ble dysgai hawliau sifil, fel pwnc. Mae llyfrau ac erthyglau Wägner yn canolbwyntio ar bynciaun ymwneud â menywod, hawliau sifil, pleidleisiau (etholfraint) i fenywod, y mudiad heddwch, lles, a llygredd amgylcheddol. Ynghyd â Fredrika Bremer, ystyrir Wägner yn aml yr arloeswr ffeministaidd pwysicaf a mwyaf dylanwadol Sweden.
Bu'n gyfrifol am sefydlu a golygu'r cylchgrawn Tidevarvet rhwng 1924 a 1927.
Yr awdur
Roedd yn awdur toreithiog, ac ysgrifennodd nifer o nofelau (a dramau-ffilm) sy'n parhau i gael eu darllen heddiw. Y mwyaf poblogaidd yw:
- Norrtullsligan ("Dynion, ac Aflwyddiannau Eraill", 1908),
- Pennskaftet ("Y Llaw ar yr Ysgrifbin", 1910),
- Åsa-Hanna (1918),
- Kvarteret Oron ("Cornel Stormus", 1919),
- Silverforsen ("Y Dyfroedd Geirwon, Arian", 1924),
- Vändkorset ("Y Llidiart", 1934),
- Väckarklocka ("Cloc Larwm", 1941) a
- Vinden vände bladen ("Yr Awel a Drodd y Tudalennau", 1947).
Aelodaeth
Bu'n aelod o Academi Swedeg, Cymdeithas Y Naw a Chartref y Swedeg, am rai blynyddoedd.
Anrhydeddau
- Dros y blynyddoedd, derbyniodd nifer o anrhydeddau, gan gynnwys: Prif Gwobr Samfundet De Ni (1923) .
Cyfeiriadau
This article uses material from the Wikipedia Cymraeg article Elin Wägner, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.