Alexander Vlahos

Ganwyd Vlahos yn y Tymbl, Sir Gaerfyrddin, cyn symud i Lantrisant, Morgannwg Ganol. Mae ei dad yn Roegwr tad a'i fam yn Gymraes, ac mae'n siarad Cymraeg a Saesneg. Bu'n chwarae hoci iâ o wyth oed i 18 oed. Hyfforddodd fel actor yng Ngholeg Brenhinol Cerdd a Drama Cymru yng Nghaerdydd, gan raddio yn 2009.

Ymddangosodd gyntaf yn nrama BBC Cymru, drama, Crash, yn 2009 yn portreadu Dylan. Y flwyddyn ganlynol, ymddangosodd yn yr opera sebon feddygol Doctors mewn stori dros wythnos o'r enw Master Of The Universe, lle roedd yn chwarae'r brif rhan o Lewis Cutler. Enwebwyd y penodau fel 'Pennod Sengl Gorau' a 'Golygfa Trawiadol y Flwyddyn' yng Ngwobrau Sebon Prydeinig 2010. Hefyd yn 2010, ymddangosodd yn y ddrama GymraegPen Talar a The Indian Doctor, ac yn y ffilm Bright Lights.

Yn 2012 enillodd rôl Preifat Keenan yn Privates, cyfres deledu fer am consgriptiaid yn y Gwasanaeth Cenedlaethol wedi ei osod yn y 1960au, lle roedd rhaid iddo eillio ei ben. Bu hefyd yn chwarae rhan Mordred yng nghyfres pump o Merlin, rôl a oedd yn cael ei chwarae yn wreiddiol gan Asa Butterfield yn y ddau gyfres gyntaf.

O 2012 i 2016 bu'n chwarae rôl Dorian Gray yn nghyfres sain o The Confessions Of Dorian Gray gan gwmni Cynyrchiadau Big Finish. Ygrifennodd un o'r penodau hefyd, The Mayfair Monster, a gyhoeddwyd ym mis Hydref 2013, a'r ddrama sain, HMS Surprise ar gyfer casgliad Bernice Summerfield New Frontiers a gafodd ei ryddhau ym mis Ebrill 2013.

O 6 Rhagfyr 2013 ymddangosodd Vlahos yn Fortune's Fool yn yr Old Vic. Cafodd addasiad Mike Poulton o ddrama Turgenev ei gyfarwyddo gan Lucy Bailey, mewn cynhyrchiad oedd yn serennu Iain Glen a Richard McCabe.

Ym mis Gorffennaf 2015, cyhoeddwyd y byddai yn chwarae Bertie Potts yng ngyfres sain byr "The Diary of River Song" wedi ei osod ym mydysawd Doctor Who bydysawd, ochr yn ochr ag Alex Kingston.

Yn y gyfres deledu hanesyddol Ffrenging fywyd yn llys Louis XIV, Versailles, a ddechreuodd ym mis Tachwedd 2015, mae'n rhan o'r prif gast, yn serennu fel brawd y brenin, Philippe I, Duke of Orléans. Ffilmiwyd ail gyfres yn gynnar yn 2016 a roedd yn edrych ar ochr ysgafnach Philippe, y tro cyntaf i Vlahos bortreadu cymeriad ysgafn ers peth amser. Ar 14 Medi 2016 cadarnhaodd y cynhyrchydd Claude Chelli fod Versailles wedi ei adnewyddu am drydydd cyfres, bydd yn dechrau ffilmio ym mis Ebrill 2017.

Yn y ddrama-ddogfen Barbarians Rising (2016), cyd-gynhyrchiad byd-eang ar gyfer sianeli History, mae Vlahos yn chwarae yr ymerawdwr Rhufeinig Valentinian mewn un bennod. Mae hefyd yn portreadu yr athronydd a mathemategydd Rwmaneg Maurice Solovine mewn un bennod o Genius, cyfres sgriptiedig cyntaf y National Geographic Channel, a ddangoswyd gyntaf yn Ebrill 2017.

O 11 Chwefror i 11 Mawrth 2017 serennodd Vlahos yng nghynyrchiad Max Gill o La Ronde, fersiwn modern, niwtral o ran rhywedd o'r ddrama gan Arthur Schnitzler. Roedd cast o bedwar yn chwarae y deg cymeriad a ddewiswyd ar hap ar y llwyfan bob noson gyda olwyn roulette. Yn nrama clywedol Hamlet gan gynyrchiadau Big Finish yn 2017 roedd Vlahos yn chwarae'r prif gymeriad o Hamlet.