اوروپانین شومال-غربینده یئرلَشن بیر اؤلکهدیر.
ایرلند جومهوریتی غربی آوروپادا، ایرلندی آداسینین بؤیوک بیر حیصّه سینده یئرلشیر. باشکندی دوبلین شهریدیر. ایکی رسمی دیلی وار: ایرلند و اینگیلیس. اؤلکهنین ۷۰ مین km ۲-ا برابر اوْلان اراضیسی ۴ ایالته، ۲۶ قرافلیغا بؤلونور. اوْنو زومرود اؤلکهسی ده آدلاندیریرلار. بۇرادا همیشه یاغیشلی، دومانلی و کوله کلی هاوا شرایطی مۆشاهیده اوْلونور. قیشی یۇمشاق، یایی ایسه سوْیوق و بۇلودلو کئچیر. ان سوْیوق آیلار ژانویه، فوْریه، ان ایستی آیلار ایسه جۇلای و آگوستدور. ایل عرضینده تِمپراتور هئچ واخت +۱ درجهدن آشاغی دوشمدیی کیمی +۲۰-دن ده یۇخاری قالخمیر. اهالینین ۶۰٪- شهرلرده یاشاییر. بورایا هر ایل ۲ میلیون توریست گلیر. ایرلندین سمبولو اۆچیارپاقلی یونجادیر. قار نادر حاللاردا یاغیر، یاغسا دا تئز اریگیر. حتی، ایرلندلار اؤز آرالاریندا ظارافات ادیب بئله دییرلر: «یای قیشدان یالنیز یاغیشا گؤره فرقلنیر. یایدا ایستی، قیشدا ایسه سوْیوق یاغیشلار یاغیر».
Ireland[a] Éire (ایرلند) | |
---|---|
میلی مارش: "Amhrán na bhFiann" "The Soldiers' Song" | |
پایتخت و بؤیوک شهری | دوبلین |
Official languages |
|
National language | Irish |
اتنیک قروپلار (2011) |
|
دمونیم(لر) | Irish |
دؤولت | Unitary parliamentary republic |
• President | Michael D. Higgins |
• Taoiseach | Enda Kenny |
• Tánaiste | Frances Fitzgerald |
قانون اوقانی | Oireachtas |
• یوخاری مجلیس | Seanad |
• آشاغی مجلیس | Dáil |
Independence | |
• Proclamation | ۲۴ آوریل ۱۹۱۶ |
• Declaration | ۲۱ ژانویه ۱۹۱۹ |
• Anglo-Irish Treaty | ۶ دسامبر ۱۹۲۱ |
• 1922 constitution | ۶ دسامبر ۱۹۲۲ |
• 1937 constitution | ۲۹ دسامبر ۱۹۳۷ |
• Republic Act | ۱۸ آوریل ۱۹۴۹ |
اراضی | |
• جمعی | (120th) |
• سو (%) | ۲٫۰۰ |
جمعیت | |
• ۲۰۱۶ census | 4,757,976 (120th) |
• سیخیلیق | (142nd) |
جیدیپی (PPP) | ۲۰۱۶ تخمینی |
• جمعی | $324 billion (56th) |
• آدامباشی | $69,375 (11th) |
جیدیپی (نامینل) | ۲۰۱۶ تخمینی |
• جمعی | $308 billion (42nd) |
• آدامباشی | $65,871 (14th) |
جینی (۲۰۱۴) | ۳۰٫۰ Error: Invalid Gini value · 23rd |
اچدیآی (۲۰۱۵) | ۰٫۹۱۶ Error: Invalid HDI value · 6th |
پول واحیدی | یورو (€) (EUR) |
چاغ بؤلگهسی | UTC (GMT/WET) |
• یای (دیاستی) | UTC+۱ (IST/WEST) |
تاریخ فورمتی | dd/mm/yyyy |
سوروجولوک طرفی | left |
تیلفون کودو | +353 |
ایزو ۳۱۶۶ کودو | IE |
اینترنت التیدی | .ie[b] |
اؤلکهنین زنگین و ماراقلی تاریخی وار. بورایا گلسهنیز، بؤیوک قصر و قالالار، غیری-عادی موزه یی و کونسرت زاللارینا (سالن) باش چکمیی اۇنوتمایین. ایرلندیدا ان چوْخ دیقّت لاییق اوْلان اوْنون تپجیکلری و محصولدار اوْتلاقلاری اوْلان طبیعتیدیر. ایرلندی کئچمیشله باغلی افسانهلری سون اینسانلار اۆچون ایدهآل یئردیر. چونکی بۇرادا یئرلَشن قصرلره یالنیز باخماق یوْخ، و ده نؤمره سیفاریش ائدهرک، اؤزونوزو لاپ قدیم زامانلاردا حیس ائده بیلرسینیز. دمک اوْلار کی، هر قرافلیقدا قصر یئرلشیر: کلدویل، بللینتوبیر، کررایکفیرقوس، کپوکخن. اوْرتا عصر فودال قصر و مالیکانهلرینین سایینا گؤره اوْلا بیلسین کی، ایرلند آوروپا اؤلکهلری آراسیندا بیرینجی یئر تۇتور. تکجه، کلر قارفلیغیندا اوْنلارین سایی ۲۰۰-ا باربردیر. اؤلکهنین «اببی» آدلانان میلّی تئاترینا، دؤولت کونسرت سالونونا، چستر بیته مخصوص اوْلان و دوبلین قصرینده یئرلَشن کیتابخانایا دا باش چکسهنیز یاخشی اوْلار.
ایرلندیدان خاطره کیمی مۆختلیف سوونیرلر الده ائتمک اوْلار. بۇنلاری هر یئرده تاپماق مۆمکوندور. لاکین هر شهرین اؤزون مخصوص عنعنهسینین ده اوْلدوغونو اۇنوتماق اوْلماز. اۇوترفورددا بوللور فابریکی، فرماناقدا بوللور اشیالارین ساتیلدیغی مرکز یئرلشیر. بللیکده یئرلی صنعتکارلارین حاضیرلادیغی ال ایشلریندن آلماق اوْلار. لینقسبورقدا مشهور ایرلند کتانی، یون و تویددن اۆرتیم (تولید) اوْلونان اشیالاری الده ائتمک مۆمکوندور. عومومیتله، ماغازالار ساعت ۹٫۰۰-دان ۱۸٫۰۰-ا کیمی، سوپرمارکتلر ایسه ۱۲٫۰۰-دن ۱۸٫۰۰-ا کیمی ایشلییر. کیچیک دوکانلار سحر ساعت ۷٫۰۰-دان ۲۳٫۰۰-ا کیمی فعالیّت گؤستریر.
سوْن زامانلار ۲ مین ایل بۇندان اوّل بورایا گلمیش سلتلره مخصوص موسیقی پوپولیارلاشماغا باشلاییب. اوْنون اینکیشافینین زیروهسی ایسه ۲۰-جی عصرین ۶۰–۷۰-جی ایللرینه تصادوف ائدیر. آت ایرلندلارین ان سئویملی حئیوانیدیر. همیشکی کیمی بۇرادا آت مینمک دبدهدیر. بۇنون تاریخی قایناقلاری اوْلدوغو کیمی طبیعی شرایطله ده علاقهسی وار. اؤلکهده آت یاریشلاری دا کئچیریلیر. ایرلندی آتلاری دفعهلرله بینلخالق موسابیقهلرده غالیب گلیبلر. توریستلر اۆچون ۳۸۰ قولف میدانچاسی وار. چاغداش رقصلر کیمی، ریل و جیقا دا مشهوردور. ایرلندلاردا ایسکاتلندلاردان فرقلی اوْلاراق، نفرلرین گیدیکلری اتکلر (کیلت) بیررنگلی، چوْخ واخت نارینجی، کؤینکلری ایسه یاخاسیز اوْلور. قادینلار آغیر و حاشیّهلی شاللار اؤرتور، توخونما کمرلر تاخیرلار. پالتارلاردا ان چوْخ ایستیفاده اوْلونان رنگ یاشیلدیر.
This article uses material from the Wikipedia تۆرکجه article ایرلند, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.