حوسامەدین چەلەبی
حوسامەدینی چەلەبی سۆفیی بە ڕەچەڵەک کوردە کە لە سەدەی سیانزەھەمی زاینیدا ژیاوە.
ھاوچەرخ و شاگردی مەولانای ڕوومی بووە و دوای مردنی ئەو بووە بە جێنشینی. ئەو کاریگەرییەکی گەورەی لە سەر مەولانا داناوە و مەولانا کتێبی مەسنەویی مەعنەویی لەسەر داوی ئەو داناوە و حوسامەدینیش لە نووسینەوە و پیاچوونەوەی کتێبەکەدا یارمەتیی داوە.
ژیان
حوسامەدین لە دەوروبەری ساڵی ١٢٢٥ لە شاری قۆنیەی تورکیا لەدایک بووە. باپیری سۆفییەکی بەناوبانگی کورد بووە کە لە بنەڕەتدا خەڵکی ئورمیە بووە، بەڵام تەرمەکەی لە بەغدا نێژراوە. حوسامەدین لە قۆنیە شاگردی مەولانای ڕومی بووە. دواتر لە ساڵی ١٢٧٣دا، دوای مردنی مەولانا، بوو بە جێگری ئەو و موریدەکانی مەولانا شوێنی کەوتن. تا مردنی لە ساڵی ١٢٨٤دا لەو پۆستەدا مایەوە. دوای ئەو سوڵتان وەلەدی کوڕی مەولانا بوو بە سەرۆکی تەریقەتەکە.
پەیوەندی لەگەڵ مەولانا
مەولانا لەدوای چوونی شەمسی تەورێزی ڕێزی زۆری لە حوسامەدین و شاگردێکی تری بە ناو سەلاحەدین زەڕکووب دەگرت و بێ ئەوان لە مەجلیسدا قسەی نەدەکرد. ئەو مەسنەویی بە ھاندانی حوسامەدین نووسی. خۆی لە مەسنەویدا دەڵێت:
همچنین مقصود من زین مثنوی
ای ضیاء حق حسام الدین تویی
واتە مەبەستی من لە نووسینی ئەم مەسنەوییە تۆی ئەی نووری خودا ئەی حوسامەدین.
ھەروەھا لە پێشەکیی مەسنەویدا و لە چەند شیعری تر و لە نامەکانیدا تاریفی زۆری حوسامەدینی کردووە.
سەرچاوە
",Franklin D. Lewis, (2003), "Rumi past and present, east and west: The Life, Teachings, and Poetry of Jalâl al-Din Rumi NewYork.
 | ئەم وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
| کۆمنزی ویکیمیدیا، میدیای پەیوەندیدار بە حوسامەدین چەلەبی تێدایە. |
This article uses material from the Wikipedia Soranî / کوردی article حوسامەدین چەلەبی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.