کریس ھادفیڵد: ئەستێرەگەڕێکی کەنەدی

یەکەم کەنەدی بوو کە چالاکیی لەدەرپێڕاگوێزی لە بۆشاییی دەرەکی ئەنجام دا، کاری ھەڵفڕینی بۆ دوو ئەرکی مەکۆی بۆشایی کردووە و ھەروەھا وەک فەرماندەری وێستگەی بۆشاییی نێونەتەوەیی (ISS) کاری کردووە. پێش ئەوەی وەک ئەستێرەگەڕ کار بکات، بۆ ماوەی ٢٥ ساڵ لە ھێزە چەکدارەکانی کەنەدا وەک فڕۆکەوانی شەڕکەری فەرمانداری ئاسمانی کاری کردووە.

کریس ھادفیڵد
کریس لە تەممووزی ٢٠١١
ئەستێرەگەڕی دەزگای بۆشاییی کەنەدا
دۆخ	خانەنشین
لەدایکبوون	کریس ئۆستن ھادفیڵد (١٩٥٩-٠٨-٢٩) ٢٩ی ئابی ١٩٥٩ (تەمەن ٦٤ ساڵ) سارنیا، ئۆنتاریۆ، کەنەدا
پیشەی تر	فڕۆکەوانی تاقیکردنەوەیی مۆسیقاژەن
Alma mater	کۆلێژی سەربازیی ڕۆیال ڕۆدز کۆلێژی سەربازیی شاھانەی کەنەدا (بەکالۆریۆسی ئەندازیاری) زانکۆی واتەرلوو (ماستەری ئەندازیاری) زانکۆی تێنێسی (ماستەری زانست)
کات لە بۆشایی	١٦٦ ڕۆژ
ھەڵبژرادن	گرووپی سی ئێس ئەیی ١٩٩٢
Total EVAs	٢
Total EVA time	١٤ سەعات ٥٣ دەقە و ٣٨ چرکە
Missions	ئێس تی ئێس-٧٤، ئێس تی ئێس-١٠٠، سۆیوز تی ئێم ئەی-٠٧ ئێم (ئێکسپیدیشن ٣٤/٣٥)
Mission insignia
خانەنشین	٣ی تەممووزی ٢٠١٣
خەڵاتەکان	نیشانی کەنەدا (٢٠١٤) مەدالیای جووبڵیی ئەڵماسی (٢٠١٢) مەدالیای ڕاژەی ئاوارتەی ناسا (٢٠٠٢) مەدالیای جووبڵیی زێڕین (٢٠٠٢) خەڵاتی ڤانیێر (٢٠٠١) نیشانی ئۆنتاریۆ (١٩٩٦)
Military career
دڵسۆزی	کەنەدا
خزمەت/لق	فەرمانداری ئاسمانی
ساڵانی خزمەت	١٩٧٨–٢٠٠٣
پلە	کۆلۆنێل

کریس لە سارنیا، ئۆنتاریۆ لە دایک بووە. دایک و باوکی ڕۆجەر و ئێلەنۆر ھادفیڵدن کە لە میڵتن، ئۆنتاریۆ دەژین. کریس لە کێڵگەیەکی گەنمەشامی لە ئۆنتاریۆی باشوور گەورە بووە. ئەندامی کۆمەڵەیەکی پێشڕەوایەتی بوو کە لە گۆڕەپانەکانی میڵتن کۆ دەبوونەوە. لە مناڵییەوە حەزی لە فڕین بووە و لە تەمەنی نۆ ساڵیدا حەزی لە بوون بە ئەستێرەگەڕ کردووە، دوای ئەوەی نیشتنەوە لەسەر مانگی ئەپۆلۆ ١١ی لە تەلەڤیزیۆن بینی. ھاوسەرگیریی لەگەڵ کچەھاوڕێی قۆناغی ئامادەیی، ھێلین کردووە، سێ مناڵیان ھەیە: کایڵ، ئیڤان و کریستین ھادفیڵد. کریس پێش ئەوەی ببێتە فڕۆکەوانی تاقیکردنەوەیی، لە ناوچەی بەفرەخلیسکێی گلێن ئیدن ڕاھێنەری بەفرەخلیسکێ بووە.