ڕودیارد کیپلینگ

کیپلینگ لە ڕاجی بەریتانیا (ھیندستان لەژێر دەسەڵاتی بەریتانیا) لەدایک بوو، ئەمەش ئیلھامبەخش بوو بۆ بەشێکی زۆری کارەکانی. بەرھەمە خەیاڵکردەکانی کیپلینگ بریتین لە ھەر دوو کتێبی جەنگەڵ (کتێبی جەنگەڵ، ١٨٩٤؛ کتێبی دووەمی جەنگەڵ، ١٨٩٥)، کیم (١٩٠١)، چیرۆکەکان تەنھا بەو شێوەیە (١٩٠٢) و چەندین کورتە چیرۆک، لەوانە «ئەو پیاوەی کە دەیویست ببێت بە پاشا»(١٨٨٨). شیعرەکانی بریتین لە «ماندالای» (١٨٩٠)، «گونگا دین» (١٨٩٠)، "خوداکانی سەردێڕەکانی کتێبی کۆپی» (١٩١٩)، «بارگرانیی پیاوی سپی» (١٨٩٩) و، «ئەگەر__» (١٩١٠). ئەو وەک داھێنەرێک لە ھونەری کورتە چیرۆکدا سەیر دەکرێت. ئەو کتێبانەی بۆ منداڵان نووسینی ئێستا وەک کلاسیک تەماشا دەکرێن.کیپلینگ لە کۆتاییی سەدەی نۆزدەیەم و سەرەتای سەدەی بیستەمدا لە بەناوبانگترین نووسەرانی شانشینی یەکگرتوو بوو. ھێنری جەیمز کیپلینگی بە پیاوێکی بلیمەت ناوزەد کردبوو. لە ساڵی ١٩٠٧ وەک یەکەم نووسەری ئینگلیزیزمان کە خەڵاتەکە وەربگرێت، لە تەمەنی ٤١ ساڵیدا خەڵاتی نۆبڵی ئەدەبیاتی پێ بەخشرا و تاکوو ئێستاش گەنجترین کەس بووە لەو کاتەدا کە ئەو خەڵاتەی وەرگرتبێت. ھەروەھا بۆ خەڵاتی شاعیری دەرباری بەریتانی و چەند جارێک بۆ پێگەی سوارچاکی داوای لێ کرا، بەڵام ھەردووکیانی ڕەت کردەوە. دوای مردنی لە ساڵی ١٩٣٦، خۆڵەمێشەکەی لە گۆشەی شاعیران بەخاک سپێردرا، کە بەشێکە لە قۆڵی باشووری وێستمینیستەر ئابی..

ڕودیارد کیپلینگ
بە ئینگلیزی: Joseph Rudyard Kipling
لەدایکبوون	٣٠ی کانوونی یەکەمی ١٨٦٥ مومبای، ھیندستان
مردن	١٨ی کانوونی دووەمی ١٩٣٦(١٩٣٦-٠١-١٨) (٧٠ ساڵ ژیاوە) لەندەن، شانشینی یەکگرتوو
ناوی کاتی لەدایکبوون	Joseph Rudyard Kipling
ھۆی مەرگ	ulcer
Date of burial or cremation	٢١ی کانوونی دووەمی ١٩٣٦
شوێنی ناشتن	Westminster Abbey، Golders Green Crematorium
باوک	John Lockwood Kipling
دایک	Alice MacDonald Kipling
خوشک و برا	Alice Macdonald Fleming، John Kipling
ھاوسەر	Caroline Starr Balestier
منداڵ	John Kipling، Elsie Bambridge، Josephine Kipling
خزمەکان	Catherine Pullein
زمانی زگماکی	ئینگلیزی
زمانەکانی ئاخاوتن	ئینگلیزی
زمانی نووسین	ئینگلیزی
شوێنی کارکردن	University of St Andrews
پەروەردە	United Services College
دەستپێکی چالاکی	١٨٨٦
کۆتایی ساڵانی چالاکی	١ی کانوونی دووەمی ١٩٣٢
نەژاد
List of works	Rudyard Kipling bibliography
ئەرشیڤەکان لە	Leeds University Library، Rare Books and Special Collections، University of Sussex Library، University of Victoria Special Collections and University Archives، Harry Ransom Center
ناونراوە لەدوای	Rudyard Lake
ئەندامی	پەیمانگای ئەمریکیی ھونەر و زانست، Royal Society of Literature
کارتێکراوە لەلایەن	ڕۆبەرت لویس ستیڤینسۆن
خەڵاتەکان	خەڵاتی نۆبێل لە وێژە، Fellow of the Royal Society of Literature، Lektorix
پاڵێوراوە بۆ	خەڵاتی نۆبێل لە وێژە، خەڵاتی نۆبێل لە وێژە، خەڵاتی نۆبێل لە وێژە، خەڵاتی نۆبێل لە وێژە
کارە کۆکراوەکان	Stedelijk Museum Amsterdam
دۆخی مافەکانی لەبەرگرتنەوە	مافەکانی لەبەرگرتنەوە بەسەرچوون، part of the copyrights on oeuvre has expired
Personal library at	Bateman's، British Library
Artist files at	Frick Art Reference Library
Documentation files at	SAPA Foundation, Swiss Archive of the Performing Arts
لە ویکیدراوە دەستکاریی زانیارییەکان بکە

ناوبانگی دواتری کیپلینگ لەگەڵ کەشوھەوای سیاسی و کۆمەڵایەتیی ھەر سەردەمێک گۆڕاوە. تێڕوانینە دژبەیەکەکان لەبارەی ئەو بۆ بەشێکی زۆری سەدەی بیستەم بەردەوام بوون. دۆگلاس، ڕەخنەگری ئەدەبی، نووسیویەتی: «[کیپلینگ] ھێشتا نووسەرێکە کە دەتوانێت ببێت بە مایەی ناکۆکیی توند و، جێگەی ئەو لە مێژووی ئەدەبیات و کولتووردا زۆری ماوە تاوەکوو جێگیر ببێت؛ بەڵام لەگەڵ پاشەکشەی تەمەنی ئیمپراتۆرییەتەکانی ئەورووپا، کیپلینگ وەک شرۆڤەکارێکی بێھاوتا، تەنانەت مشتومڕھەڵگر، دەردەکەوێت کە لەبارەی چۆنێتیی ئەزموونکردنی ئیمپراتۆرییەت دواوە. ئەو خاڵە و پەیبردنی زیاتر بە بەھرەی سەرسووڕھێنەری ئەو لە چیرۆکبێژیدا دەیکاتە ھێزێک کە حسابی بۆ بکرێت.»

ڕودیارد کیپلینگ لە ٣٠ی کانوونی دووەمی ١٨٦٥ لە شاری بۆمبای لە دایک و باوکێک بە ناوی ئەلیس کیپلینگ و جۆن لۆکوود کیپلینگ لەدایک بوو. ئەلیس، کە یەکێک لە چوار خوشکە دیارەکەی ماکدۆناڵد بوو، ژنێکی بەکەیف و سەرحاڵ بوو، و لۆرد دەفرن دەربارەی دەیگوت: «بێتاقەتی و خاتوو کیپلینگ ناتوانن لە یەک ژووردا کۆ ببنەوە.» جۆن لۆکوود کیپلینگ، پەیکەرتاش و گڵکار، بەڕێوەبەر و پرۆفیسۆری پەیکەرتاشیی تەلارسازی بوو لە کۆلێژی ھونەری سێر جامسێتجی جیجیبۆی کە ئەوسا تازە لە بۆمبای دامەزرابوو.

ھەرچەندە کیپلینگ وەک نووسەر ناسرابوو، بەڵام نیگارکێشێکی لێھاتووش بوو. کیپلینگ لەژێر کاریگەریی ئۆبری بێردسلی، چەندین وێنەی بۆ چیرۆکەکانی بەرھەم ھێنا، بۆ نموونە، چیرۆکەکانی جەست سۆ، ١٩١٩.