چیرۆکی کایەکلێ ٢: فیلمێکی ئەنیمەیشنی ئەمریکیی ١٩٩٩

بەشی دووەمی فرەنچایزی چیرۆکی کایەکلێ و پاشکۆی چیرۆکی کایەکلێ (١٩٩٥)ە، بە ھاوبەشی لە لایەن جۆن لاسەتەر، ئاش برانن و لی ئەنکریچ دەرھێنراوە، سیناریۆکە لە لایەن ئەندروو ستانتن، ڕیتا شاو، دەگ چەمبەرلین، و کریس وێب نووسراوە، ئەویش لە چیرۆکێک وەرگیراوە کە لە لایەن لاسەتەر، ستانتن، برانن، و پیت دۆکتەر نووسراوە. لە فیلمەکە، وودی لە لایەن خڕکەرەوەیەکی کایەکلێ دەدزرێت، ئەمەش وا لە بەز لایتییر و ھاوڕێکانی دەکات؛ بچن ڕزگاری بکەن، بەڵام دواتر وودی بە ئایدیای نەمری لە مۆزەخانەیەکدا فریو دەدرێت. تۆم ھەنکس، تیم ئاڵن، دۆن ڕیکڵز، واڵس شۆن، جۆن ڕاتزنبێرگەر، جیم ڤارنی، ئانی پۆتس، ئاڕ. لی ئێرمی، جۆن مۆریس و لۆری مێتکاف ڕۆڵەکانیان لە یەکەم فیلمی چیرۆکی کایەکلێ وەردەگرنەوە و جۆون کیووساک، کێڵسی گرامەر، ئەستێڵ ھاریس، وەین نایت، و جۆدی بێنسن دێنە پاڵیانەوە، کە ڕۆڵی کەسایەتییە نوێیەکانی نێو ئەم فیلمە دەگێڕن.

چیرۆکی کایەکلێ ٢
پۆستەری بڵاوبوونەوەی سینەمایی
دەرھێنەر	جۆن لاسەتەر
بەرھەمھێنەر	ھێلین پلۆتکین کارین ڕۆبێرت جاکسن
شانۆنامە	ئەندروو ستانتن ڕیتا شاو دەگ چەمبەرلین کریس وێب
چیرۆک	جۆن لاسەتەر پیت دۆکتەر ئاش برانن ئەندروو ستانتن
ئەکتەران	تۆم ھەنکس تیم ئاڵن
مۆسیقا	ڕاندی نیومن
وێنەگری سینەمایی	شارن کاڵەھان
مۆنتاژ	ئێدی بلایمن دەیڤد ئیەن ساڵتەر لی ئەنکریچ
کۆمپانیای بەرھەمھێنەر	واڵت دیزنی پیکچەرز پیکسار
بڵاوکردنەوە	بوێنا ڤیستا
دەرچوون	١٣ی تشرینی دووەمی ١٩٩٩ (1999-11-13) (شانۆی ئێل کاپیتان) ٢٤ی تشرینی دووەمی ١٩٩٩ (1999-11-24) (ویلایەتە یەکگرتووەکان)
ماوەی فیلم	٩٢ خولەک
وڵات	ویلایەتە یەکگرتووەکان
زمان	ئینگلیزی
تێچوون	٩٠ ملیۆن $
داھات	٥١٢ ملیۆن $

چیرۆکی کایەکلێ ٢ لە ٢٤ی تشرینی دووەمی ١٩٩٩ بڵاو کرایەوە، داھاتی فیلمەکە زیاتر لە ٥١١ ملیۆن دۆلاری ئەمریکی بووە. ستایشی بەرفرەی بەدەست ھێناوە، وەک فیلمی پێشووی، لە وێبگەی ڕاتن تۆمەیتۆز ھەڵسەنگاندنی ١٠٠٪ی بەدەست ھێناوە. چیرۆکی کایەکلێ ٢ سێیەم پڕداھاتترین فیلمی ١٩٩٩ بووە. پاشکۆیەکی تر، چیرۆکی کایەکلێ ٣، لە ٢٠١٠ بڵاو کرایەوە.