مۆنیکا بێلووچی: خانمەکتەر و نمایشکاری جلوبەرگی ئیتالی

بێلووچی دەستی بە کاری نمایشکاری کرد وەک یەکەم پیشەی، بە نمایشکردن بۆ دۆلچ ئاند گابانا و دیۆر، پێش ئەوەی بچێتە سینەمای ئیتالیا و دواتر فیلمە ئەمریکی و فەڕەنسییەکان.

مۆنیکا بێلووچی
Monica Bellucci
بێلووچی لە ٢٠٠٩
گۆکردن	[ˈmɔːnika belˈluttʃi]
لەدایکبوون	مۆنیکا ئانا ماریا بێلووچی (١٩٦٤-٠٩-٣٠) ٣٠ی ئەیلوولی ١٩٦٤ (تەمەن ٥٩ ساڵ) چیتا دی کاستێلۆ، ئەمبریا، ئیتالیا
نەتەوە	ئیتالی
پیشە	خانمەکتەر نمایشکاری جلوبەرگ
چالاکبوون	١٩٧٧–ئێستا (نمایشکار) ١٩٩٠–ئێستا (خانمەکتەر)
ھاوسەر	کلاودیۆ کارلۆس باسۆ (ھاوسەرگیری ١٩٩٠؛ جیابوونەوە ١٩٩٢) ڤینسێنت کاسێل (ھاوسەرگیری ١٩٩٩؛ جیابوونەوە ٢٠١٣)
مناڵ(ەکان)	٢

ناوبراو ڕۆڵی یەکێک لە بووکەکانی دراکۆلای گێڕا لە فیلمی ڕۆمانسیی Bram Stoker' s Dracula (١٩٩٢) لە دەرھێنانی فرانسس فۆرد کۆپۆلا و ڕۆڵی مالینا سکۆردیا لە فیلمی ئیتالیی ڕۆمانسی و درامیی مالینا (٢٠٠٠). ئەو لە فیلمی ترسناکی Irréversible (٢٠٠٢)دا بوو، و ڕۆڵی ماری مادالێنی گێڕا لە فیلمی درامیی ئینجیلی The Passion of Christ (٢٠٠٤)ی مێڵ گیبسندا.

لە فیلمە خەیاڵییە زانستییەکانی The Matrix Reloaded و The Matrix Revolutionsی ٢٠٠٣دا، ڕۆڵی پێرسفۆنی گێڕا. دواتر ڕۆڵی خۆشەویستێکی بۆندی گێڕا لە فیلمی ٢٠١٥ی سپێکتەری جەیمس بۆنددا.

بێلووچی لە ٣٠ی ئەیلوولی ١٩٦٤ لە چیتا دی کاستێلۆ، ئەمبریا، ئیتالیا لەدایکبوو، بە تاقانە مناڵی برونێلا بریگانتی و پاسکوال بێلووچی، و لە سان گیوستینۆ گەورەبووە.

نمایشکاری جلوبەرگ

مۆنیکا بێلووچی دەستی بە نمایشکاری کرد لە تەمەنی ١٣ ساڵیدا بە وەستان بۆ وێنەگرێکی ناوچەکەیان. لە ١٩٨٨، بەشی یاسای جێھێشت لە زانکۆی پێروگیا، و ڕۆیشت بۆ یەکێک لە سەنتەرەکانی جلوبەرگی ئەورووپا لە میلان و گرێبەستی کرد لەگەڵ Elite Model Management. لە ١٩٨٩وە، ناوبانگی پەیدا دەکرد وەک نمایشکارێکی جلوبەرگ لە پاریس و ئەتڵەسدا، لە نیویۆرک سیتی. ئەو کاری بۆ دۆلج ئاند گابانا و گۆڤاری Elleی فەڕەنسی کردووە، لە نێوانیاندا. لە ھەمان ساڵدا، چووە بواری نواندنەوە و چەند کۆرسێکی نواندنی وەرگرت. گۆڤاری Esquireی ژمارەی شوباتی ٢٠٠١ بێلووچی لەسەر بەرگەکەی بوو و بە چاوپێکەوتنێک لەسەر پێنج ھەستەکە.

 

لە ٢٠٠٣، لە گۆڤاری Maximدا دەرکەوت. ھەروەھا، گۆڤاری Men' s Health ناوی یەکێک لە «١٠٠ جوانترین ئافرەتان»ی لێنا کە بێلووچی لە پلەی ٢١ەمدا بوو. AskMen ناوی یەکەم پڕخواستترین ئافرەتی ٢٠٠٢ی لێنا. بەپێی دوو ڕۆژنامەی نێودەوڵەتی، بە سەمبولی سێکسی ئیتالیا دانراوە.

لە ٢٠٠٤دا، کاتێک دووگیان بوو بە کچەکەی، دێڤا، بێلووچی وێنەیەکی ڕووتی گرت بۆ گۆڤاری Vanity Fairی ئیتالی دژ بە یاسایەکی ئیتالی کە گرنگیپێدانی کۆرپەی تازە لەدایکبوو لە نەخۆشخانەکان قەدەغەکرابوو بۆ جیاڕەگەزخوازەکان و ئافرەتە بێوەژنەکان و کەسە ھاوڕەگەزخوازەکانی تێدانەبوو، لێکۆڵینەوە بە بەکارھێنانی ئاولەمەی مرۆڤ قەدەغەکردبوو، بەخشینی سپێرم و ھێلکەی قەدەغەکردبوو، و ڕێژەی دروستکردنی مناڵی بلوری سنووردارکرابوو بۆ سێ. بێلووچی دووبارە بە سکپڕی و نیوەڕووتییەوە وێنەی گرتەوە بۆ ژمارەی نیسانی ٢٠١٠ گۆڤارەکە. لە ٢٠٠٦ تا ٢٠١٠ بێلووچی ڕووخساری سەر بەرھەمەکانی دیۆر بوو.

لە ٢٠١٢دا، بووە ڕووخسارە نوێیەکەی دۆلچ ئاند گابانا. ناوبراو لەلایەن Elite+ لە نیویۆرک سیتی سەرپەرشتی دەکرێت. بێلووچی گرێبەستی کردووە لەگەڵ D'management Group لە میلان و ھەروەھا لەگەڵ Storm Management لە لەندەن. بێلووچی وێنەی بۆ گۆڤاری GQ Italiaش گرتووە لە شوباتی ٢٠١٦.

بێلووچی لە ڕەنوەی فاشن ویکی ٢٠١٩ی میلان بوو کە بۆ دۆلچ ئاند گابانا بوو. ھەر یەک لە نمایشکاران ئیزابێلا ڕۆسێلینی، ئێڤا ھێرزیگۆڤا، و ھێلێنا کریستێنسن لەگەڵیدا بەشداربوون.

نواندن

 

پیشەی نواندنی بێلووچی لە سەرەتاکانی ١٩٩٠ەکان دەستیپێکرد. چەند ڕۆڵێکی لاوەکی گێڕا لە La Riffa (١٩٩١) و Bram Stoker's Dracula (١٩٩٢). لە ١٩٩٦دا، پاڵێورا بۆ خەڵاتێکی سیزار بۆ باشترین خانمەکتەری پاڵپشت بۆ ڕۆڵی لیسا لە The Apartment و بەھۆی ئەوەشەوە پلەکەی بەھێزتر بوو وەک خانمەکتەر. لە جیھاندا بەھۆی ڕۆڵەکانی لە فیلمەکانی مالینا (٢٠٠٠)، Brotherhood of the Wolf (٢٠٠١)، و Irrèversible (٢٠٠٢).

لە زۆر فیلمی ئەورووپا و ھۆڵیووددا ڕۆڵی گێڕاوە وەک The Tears of the Sun (٢٠٠٣)، The Materix Reloaded (٢٠٠٣)، The Passion of Christ (٢٠٠٤)، The Brothers of Grimm (٢٠٠٥)، Le Deuxième souffle (٢٠٠٧)، Shoot' Em Up (٢٠٠٧)، Don't Look Back (٢٠٠٩)، و The Sorcerer's Apprentice (٢٠١٠).

وا بڕیاربوو لە ڕۆڵی سیاسەتوانی ھیندی سۆنیا گاندی بگێڕێت لە فیلمێکی ژیاننامەیی بە ناوی Sonia، کە وا دانرابوو ٢٠٠٧ بڵاوبکرێتەوە، بەڵام دواخراوە بۆ کاتێکی نادیار. بێلووچی دەنگی خۆی دۆبلاژ کرد لە دۆبلاژە فەڕەنسییەکەی فیلمی Shoot 'Em Up (٢٠٠٧). ھەروەھا دەنگی کایلیناشی گێڕاوە لە یاریی ڤیدیۆیی Prince of Persia: Warrior Within، دەنگی کاپی لە دۆبلاژە فەڕەنسییەکەی فیلمی ئەنیمەیشنی ٢٠٠٥ی Robots.

لە تەمەنی ٥٠ ساڵیدا، بووە بەتەمەنترین خۆشەویستێ بۆند لە زنجیرە فیلمی جەیمس بۆنددا، بە ڕۆڵی لوچیا سیارا لە سپێکتەر (٢٠١٥). سێ ساڵ دواتر، دەرکەوت لە فیلمی ئوستورالی Nekrotronic.

 

بێلووچی ھاوسەرگیری کرد لەگەڵ وێنەگر کلاودیۆ کارلۆس باسۆ لە ١٩٩٠؛ دوای ھەژدە مانگ جیابوونەوە.

بێلووچی ئەکتەر ڤینسێنت کاسێلی فەڕەنسی بینی لە سێتی فیلمی The Apartment. ھاوسەرگیرییان کرد لە ١٩٩٩ و دوو کچیان بوو، دێڤا (لەدایکبووی ٢٠٠٤) و لیۆنی (لەدایکبووی ٢٠١٠). بێلووچی و کاسێل جیابوونەوەیان ڕاگەیاند لە ٢٦ی ئابی ٢٠١٣.

لە فیلمی دۆکیۆمێنتاری The Big Question، دەربارەی فیلمی The Passion of Christ، وتی: «من ئاگنۆستیکم، بەڵام لە ھەمان کاتدا حەزم بە ھەموو ئاینەکانە ڕێزیان دەگرم. گەر شتێک ھەبێت کە باوەڕم پێی ھەبێت، وزەیەکی نادیارو؛ ئەو وزەیەی کە زەریاکان پڕدەکات لە کاتی ھەڵکشان و داکشاندا، ئەو وزەیەی کە سروشت و بوونەوەرەکان دەبەستێتەوە.»^{[سەرچاوەیەکی باشتری پێویستە]}

بێلووچی زمانەکانی ئیتالی، فەڕەنسی و ئینگلیزی بە باشی دەزانێت و بە زمانەکانی سربی و فارسیش ڕۆڵی گێڕاوە.

 

فیلم

تەلەڤیزیۆن

یارییە ڤیدیۆیییەکان

ڕۆڵەکانی دۆبلاژ

• مۆنیکا بێلووچی لە بنکەدراوەی ئینتەرنێتیی فیلمەکان  
• مۆنیکا بێلووچی لە ڕاتن تۆمەیتۆز

•  دەروازەی ژیاننامە
•  دەروازەی فیلم
•  دەروازەی ژن