An Organization for Security and Co-operation in Europe (OSCE) pe Aozadur evit ar surentez hag ar c'henober en Europa (ASKE) eo brasañ aozadur surentez etregouarnamantel ar bed.
Lies eo e gefridioù : kontrollañ an armoù, brudañ ha difenn Gwirioù Mab-Den, difenn frankiz ar c'helaouiñ ha diwall diouzh dilennadegoù direizh. Tost da 3500 a dud a labour en aozadur. Darn eus an implijidi zo oberiant war an dachenn. Ul lodenn all a labour er sekretourvaoù e Vienna, en Aostria.
E 1975, e-kerzh ar Brezel yen, e voe krouet an OSCE evel lec'h eskemm etre ar C'hornôg hag ar Reter, da-geñver ar c'hendiviz war ar surentez ha ar c'henober en Europa (Conference on Security and Co-operation in Europe, CSCE) hag a oa bet dalc'het e Helsinki, Finland.
Stadoù an OSCE |
Kefridiet eo an OSCE gant an diarbenniñ, diarbenniñ brezelioù pe stourmoù lec'hel, merañ reuziadoù, ha merañ penaos dont e-maez ar reuziadoù. Ar 57 Stad a gemer perzh zo lec'hiet en Europa, e norzh ha kreiz Azia ha Norzhamerika. Dre vras emañ oberiant war an hanterzouar norzh.
C'hwec'h yezh ofisiel a zo implijet en aozadur OSCE: alamaneg, galleg, italianeg, rusianeg, saozneg ha spagnoleg.
This article uses material from the Wikipedia Brezhoneg article Organization for Security and Co-operation in Europe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.