Kresteneg

Kresteneged
Un nebeud kresteneged
Rummatadur filogenetek
Riezad :	Animalia
Skourrad :	Arthropoda
D'ar vevoniezh e tenn ar pennad-mañ.

Tennet eo bet an anv eus ar ger kembraek crestog.

Ar c'hresteneged (Crustacea) zo un isskourrad eus an artropoded, ennañ war-dro 52 000 spesad deskrivet. En o zouez e kaver loened anavezet mat evel ar c'hranked, ar grilhed, ar chevr ha kement zo.... Ar pep brasañ anezhe a vev en dour, en dour dous pe en dour sall, met lod anezhe a vev war an douar evel kranked zo, ar moc'h-koad ha re all. Goloet e vez o c'horf gant un ezrelegenn peurliesañ hag analiñ a reont war-bouez brenkoù. Vic'hanerien int.

Ar pep brasañ zo gouest da fiñval o-unan met lod eus an taksaoù zo arvevat hag a vev staget ouzh ul loen all (evel ar bronnoù-kranked, al laou-pesked pe ar pavilhonoù), ha re all a vev evel ar garilied, stag ouzh ar c'herreg.

• chevr (chevretez pe chifretez)
  • chevr ruz (Palaemon serratus)
  • chevr-traezh (Crangon crangon)
• kravan (Balanus)
• grilhed-dour (Potamobius astacus)
• grilhed-mor (Palinurus vulgaris)
• grilhed-traezh (Nephrops norvegicus)
• kranked
  • kranked ar roue
  • kranked-silioù (kranked-avel) (Necora puber)
  • kouskered (kranked-saoz) (Cancer pagurus)
• laou-dar (moc'h-koad) (Porcellio scaber)
• legestr (Homarus gammarus)
• morgevnid (kevnid-mor) (Maia squinado)
• morgevnid-blevek (Pilumnus hirtellus)

•  
  Lyreidus tridentatus
•  
  Pachygrapsus marmoratus
•  
  Grapsus grapsus
•  
  Gecarcinum ruricola
•  
  Hemigrapsus takanoi

• (en) Bevoniezh ar c'hresteneged