वामपंथी राजनीति
वामपंथी राजनीति (अंग्रेजी: left-wing politics) भा वामपंथ (अंग्रेजी: leftism) अइसन राजनीतिक बिचारधारा सभ के राजनीति ह जे सामाजिक समानता आ समतावाद के समर्थन करे लीं आ हासिल करे के कोसिस करे लीं, अक्सरहा सामाजिक पदानुक्रम (हैरार्की) के बिरोध में। वामपंथी राजनीति में आमतौर पर समाज के ओह लोगन सभ के चिंता होला जिन्हन लोगन के एकर अनुयायी लोग दुसरा के सापेक्ष वंचित माने ला आ साथे-साथ इहो बिस्वास होला कि अनुचित असमानता बाड़ी सऽ जिनहना के कम करे भा खतम करे के जरूरत बा।
फ्रांसीसी क्रांति के दौरान फ्रांसीसी इस्टेट्स जनरल में बइठे के ब्यवस्था के आधार प एह आधुनिक बाएँ-दहिने के राजनीतिक स्पेक्ट्रम के शब्दावली गढ़ल गइल हवे। आमतौर पर बाईं ओर बइठल लोग आसियाँ रेजिम आ बूर्बों राजतंत्र के बिरोध करे वाला आ क्रांति, लोकतांत्रिक गणतंत्र के निर्माण आ समाज के धर्मनिरपेक्षीकरण के समर्थन करे वाला लोग रहल जबकि दाहिना ओर के लोग आसियाँ रेजिम के परंपरागत संस्था सभ के समर्थन करे वाला रहल। वामपंथी शब्द के इस्तेमाल 1815 में फ्रांसीसी राजतंत्र के बहाली के बाद अउरी बढ़-चढ़ भइल जब एकरा के निर्दलीय लोग (इंडिपेंडेंट्स) पर लागू कइल गइल। विंग शब्द के पहिली बेर 19वीं सदी के अंत में लेफ्ट आ राइट में जोड़ल गइल, आमतौर पर अपमानजनक इरादा से आ वामपंथी (लेफ्टिस्ट) शब्द के इस्तेमाल ओह लोग पर कइल गइल जे लोग अपना धार्मिक भा राजनीतिक बिचार में गैर-रूढ़िवादी रहल।
इहो देखल जाय
- चरम-वामपंथी राजनीति
- मार्क्सवाद
- दक्षिणपंथी राजनीति
संदर्भ
This article uses material from the Wikipedia भोजपुरी article वामपंथी राजनीति, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.