कार्बन डाइआक्साइड (अंग्रेजी: carbon dioxide; रासायनिक फार्मूला CO2) एगो रंगबिहीन गैस हवे जेकर घनत्व आम सूखल हवा से 60% बेसी होला। एह में कार्बन के एक ठो परमाणु ऑक्सीजन के दू गो परमाणु के साथे डबुल कोवैलेंट जोड़ बनवले होखे ला। ई पृथ्वी के वायुमंडल में प्राकृतिक रूप से पावल जाले आ बहुत अल्प मात्रा में मिले ले। वर्तमान में वायुमंडल में एकर कंसंट्रेशन 0.04% (410 ppm) आयतन के हिसाब से बा, जबकि औद्योगिक जुग के शुरुआत से पहिले ई 280 ppm रहल। एकरे प्राकृतिक स्रोत में ज्वालामुखी, गर्म सोता, गीजर वगैरह बाड़ें आ ई कार्बोनेट चट्टान सभ से पानी आ एसिड सभ में घुले ले। ई पानी में आसानी से घुल सके ले आ एही कारन जमीनी पानी, नदी के पानी, समुंद्र में, ग्लेशियर आ बर्फीली चादर वगैरह में मिले ले। आमतौर पर ई गंध बिहीन होले जबकि बहुत हाई कंसंट्रेशन पर ई तीखा एसिड नियर महँके ले।
This article uses material from the Wikipedia भोजपुरी article कार्बन डाइआक्साइड, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.