Чарнобыль: горад у Кіеўскай вобласці Украіны

Населены пункт Чарнобыль укр.: Чорно́биль Герб Краіна  Украіна Вобласць Кіеўская вобласць Раён Вышгарадскі раён Каардынаты HGЯO Першая згадка 1193 Плошча 25 км² Вышыня цэнтра 180 м Насельніцтва ▲1 575 чал. (2022) Часавы пояс UTC+2, летам UTC+3 Паштовыя індэксы 255614 Аўтамабільны код AI і КI / 10 КААТУУ 3222010500 Чарнобыль на карце Украіны ±

Медыяфайлы на Вікісховішчы

Размешчаны на рацэ Прыпяць, недалёка ад яе ўпадзення ў Кіеўскае вадасховішча.

Да Чарнобыльскай катастрофы 1986 года ў горадзе пражывала 12 500 чалавек. У цяперашні час тут пражываюць толькі работнікі устаноў і прадпрыемстваў Зон адчужэння і безумоўнага гарантаванага адсялення Чарнобыльскай АЭС (працуюць на вахтавай аснове) і самасёлы.

Першае згадванне Чарнобыля ставіцца да падзеяў 1193 года. Пасля Люблінскай уніі горад перайшоў пад кантроль Польшчы.

У сярэдзіне XV стагоддзя, калі гэтыя землі кантралявала Вялікае Княства Літоўскае, па суседстве з Чарнобылем быў пабудаваны замак, аддзелены ад селішча глыбокім ровам, які захаваўся да нашых дзён. У пачатку XVI стагоддзя замак быў рэканструяваны, пераўтвораны ў добра умацаваную і цяжкадаступную крэпасць, а горад Чарнобыль стаў павятовым цэнтрам.

У другой палове 18 стагоддзя горад становіцца адным з цэнтраў хасідызму. Падчас Грамадзянскай вайны быў месцам баёў. Польская абшчына выселеная ў Казахстан у 1936 годзе, яўрэйская — знішчана ў 1941-44 гг.

 

У 1970-х у 10 км на поўнач ад горада збудаваная першая ва Украіне атамная электрастанцыя.

У 1985 была ўведзеная ў строй загарызонтная РЛС «Дуга» (аб’ект Чарнобыль-2).

26 красавіка 1986 на чацвёртым энергаблоку Чарнобыльскай АЭС адбылася аварыя, якая стала самай вялікай катастрофай у гісторыі атамнай энергетыкі.

У 2006 годзе Амерыканскай некамерцыйнай навукова-даследчай арганізацыяй Інстытут Блэксміта быў апублікаваны спіс самых забруджаных месцаў на планеце, у якім Чарнобыль апынуўся ў першай дзясятцы.

• Прып’яць