Tsjernobyl

It plak waard ferneamd nei it ûngemak yn de tichteby lizzende kearnreäktor op 26 april 1986. De ionisearjende strieling dy't it gefolch fan dat ûngemak wie, is dêr noch sa sterk, dat de autoriteiten it net fertroud fine om dêr te wenjen. Dêrom is Tsjernobyl, dêr't eartiids sa'n 14.000 minsken wennen, no in spûkstêd. Itselde jildt foar de net fier ôf lizzende stêd Prypjat, dy't eartiids 55.000 ynwenners hie. Prypjat falt yn de saneamde ferfrjemdingssône, dy't yn in striel fan 30 kilometer om de kearnsintrale rint en dy't net frij tagonklik is. De tritichkilometersône is sûnt 15 augustus 2012 neffens Oleg Bondarenko, lid fan de regearingskommissy dy't oer Tsjernobyl giet, wer bewenber omdat it strielingsnivo genôch sakke is. Griente en fruit út de lânsdouwe kinne lykwols noch hieltyd net iten wurde, meidat de strieling dêrfoar noch wol te heech is.

Tsjernobyl Чорно́биль
Oblast Kiëv
Polityk
Lân	Oekraïne
Oblast	Kiëv (oblast)
Rayon	Ivankiv (sûnt 1986)
Sifers
Ynwennertal	500 (rûsd) (2010)
Hichte	140 m
Oar
Stifting	1193

Yn de regio om Tsjernobyl hinne is de strieling sa sterk net, mar ek dêr wenje noch hieltyd fiif miljoen minsken yn besmette kontreien.

• 
  It gemeentehûs fan Tsjernobyl, july 2010
• 
  Iljinskaja, tsjerke
• 
  Ferlitten went yn Tsjernobyl
• 
  pinning, ta oantins fan de ramp

• Kearnsintrale Tsjernobyl
• Kearnramp fan Tsjernobyl

• Koarte film oer in besite oan Tsjernobyl yn 2007 (op youtube)

Ofbylden dy't by dit ûnderwerp hearre, binne te finen yn de kategory Ukrainian National Chernobyl Museum fan Wiki Commons.