«Цёмны рыцар» (англ.: The Dark Knight) — супергеройскі трылер, зняты сумесна ЗША і Вялікабрытаніяй у 2008 годзе рэжысёрам, прадзюсарам і сааўтарам сцэнарыя Крыстаферам Ноланам, другая частка трылогіі Нолана пра Бэтмена.
У галоўных ролях Крысціян Бейл, Хіт Леджэр, Аарон Экхарт, Гэры Олдмен, Мэгі Джыленхол, Майкл Кейн і Морган Фрымэн.
Карціна здымалася ў асноўным у Чыкага, але таксама ў некаторых іншых месцах ЗША, Вялікабрытаніі і Ганконга. Для здымкі асобных сюжэтаў выкарыстоўваліся фотаапараты IMAX з плёнкай 70 мм. Фільм прысвечаны памяці Лэджэра, які памёр 22 студзеня 2008 года, праз некалькі месяцаў пасля заканчэння здымак і за паўгода да выхаду фільма.
Сусветная прэм’ера фільма «Цёмны рыцар» адбылася 14 ліпеня 2008 года ў Нью-Ёрку. У шырокі пракат фільм выйшаў 16 ліпеня 2008 года ў Аўстраліі, 18 ліпеня ў Паўночнай Амерыцы і 24 ліпеня ў Вялікабрытаніі. Кінакрытыкі лічаць фільм адным з лепшых фільмаў дзесяцігоддзя. Фільм атрымаў станоўчыя водгукі і ўстанавіў мноства касавых рэкордаў падчас выхаду. З даходам больш за 1 мільярд долараў ён займае 28-е месца ў спісе самых касавых фільмаў. Фільм атрымаў восем намінацый на «Оскар», дзве з якіх выйгралі.
This article uses material from the Wikipedia Беларуская article Цёмны рыцар, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.