Хасан Рухані

Адзін з найстарэйшых палітыкаў Ірана, удзельнік ісламскай рэвалюцыі ў Іране 1979 года. Мучтахід. Акадэмік і дыпламат. З 1999 года з’яўляецца чальцом Рады старцаў. З 1989 года з’яўляецца чальцом Найвышэйшай рады нацыянальнай бяспекі. З 1991 года з’яўляецца чальцом Рады ўгоды. З 1992 года ўзначальвае Установу важных даследаванняў. Рухані займаў пасады старшыні Схода ісламскай рады чацвёртага і пятага склікання і сакратара Найвышэйшай рады нацыянальнай бяспекі з 1989 па 2005 год. Удзельнічаў у перамовах з краінамі захаду па пытаннях ядзернай зброі і ядзернай энергетыкі.

Хасан Рухані
перс.: حسن روحانی
29-ы генеральны сакратар Руху недалучэння[d] 3 жніўня 2013 — 17 верасня 2016
Папярэднік	Махмуд Ахмадзінежад
Пераемнік	Нікалас Мадура
7-ы прэзідэнт Ірана 3 жніўня 2013 — 3 жніўня 2021
Папярэднік	Махмуд Ахмадзінежад
Пераемнік	Ібрагім Раісі
дэпутат Ісламскага кансультацыйнага савета[d] 28 мая 1980 — 27 мая 1984
дэпутат Ісламскага кансультацыйнага савета[d] 28 мая 1984 — 27 мая 2000
Secretary of the Supreme National Security Council[d] 12 кастрычніка 1989 — 15 жніўня 2005
Нараджэнне	12 лістапада 1948(1948-11-12) (75 гадоў) Сархэ[d], Central District[d], Sorkheh County[d], Semnan Province[d], Іран
Бацька	Haj Asdollah Fereydoon Rohani[d]
Жонка	Сахебе Рухані[d]
Дзеці	Mohammad Rouhani[d]
Веравызнанне	шыіты
Партыя	Moderation and Development Party[d]
Адукацыя	Каледонскі ўніверсітэт (1995) Каледонскі ўніверсітэт (1999) Qom Seminary[d] (1978) Тэгеранскі ўніверсітэт (1972)
Навуковая ступень	доктарская ступень[d]
Дзейнасць	палітык, дыпламат, пісьменнік, клірык, адвакат
Месца працы	Тэгеранскі ўніверсітэт
Аўтограф
Сайт	president.ir
Медыяфайлы на Вікісховішчы

7 мая 2013 года Рухані пачаў выбарчую барацьбу за пасаду прэзідэнта Ірана. Ён казаў, што, калі будзе абраны на пасаду, то палепшыць адносіны з Захадам. На выбарах 15 чэрвеня 2013 года Рухані перамог на выбарах. 19 мая 2017 года перамог на новых прэзідэнцкіх выбарах: іранская грамадскасць аддала перавагу яго прагматычнаму, праеўрапейскаму курсу над праграмамі кандыдатаў-кансерватараў.

Рухані ведае (акрамя роднай персідскай мовы) англійскую, нямецкую, французскую, рускую і арабскую мовы.

Хасан Ферыдан Рухані нарадзіўся 12 лістапада 1948 года ў горадзе Саркех, каля Семнана. У 1960 годзе пачаў навучанне ў Семнанскім духоўным вучылішчы. У 1961 годзе з’ехаў у Кум, дзе навучаўся ў вучылішчы для святароў. Яго вучылі вядомыя аятолы. З 1969 года пачаў вучобу ў Тэгеранскім універсітэце, дзе вучыў заходняе права. Затым працягнуў сваю вучобу ў Каледонскім ВНУ ў Брытаніі, дзе атрымаў навуковыя ўзнагароды.

Святарства

Стаўшы святаром, Рухані пачаў чытаць прамовы, скіраваныя супраць тагачаснай улады — шаха Рэзы Пехлеві. У 1965 годзе раз’язджаў па Іране са сваімі прамовамі. Шмат разоў арыштоўваўся. У лістападзе 1977 года выступіў на вечы ў Тэгеране, прысвечаным смерці Мастафы Хамейні — сына Хамейні.

З гэтага часу Рухані пераследаваўся спецслужбамі шаха. Махамат Бехешці і аятала Матахары параілі Рухані з’ехаць з Ірана. У Парыжы, куды ён накіраваўся, выступаў перад студэнтамі ВНУ, дзе навучаліся іранцы.

Жыццё пасля 1979 года

Удзельнічаў у рэвалюцыі 1979 года. Займаў шмат пасад у гэтым годзе. З 1980 года з’яўляўся дэпутатам у меджлісе. За 20 гадоў дэпутацтва быў старшынёй меджліса (4 і 5 склікання). З 1980 па 1983 гады быў старшынёй Назіральнай рады Краёвага ісламскага радыё.

Ірана-іракская вайна

Пад час Ірана-іракскай вайны Рухані займаў тылавыя пасады. З 1982 па 1988 гады быў дарадцам Вышэйшай рады абароны. З 1986 па 1988 гады займаў пасаду дарадцы Вышэйшай рады падтрымкі вайны. З 1985 па 1988 узначальваў вайсковую раду Хатаманбія. З 1986 па 1991 узначальваў іранскае лётнае войска. З 1988 па 1989 гады быў намеснікам галоўнакамандуючага. Быў узнагароджаны медалямі Фатх (перамога) і Наср.

Пасля вайны

Рухані быў прызначаны на пасаду міністра бяспекі і разведкі ў 1989 годзе. З 1989 да 2005 года быў сакратаром Вышэйшай народнай рады бяспекі. Быў упаўнаважаным па пытаннях бяспекі ў прэзідэнтаў Алі Хашэмі і Махамеда Хатамі з 1989 па 1997 і з 2000 па 2005 адпаведна.

З 1991 года ўваходзіў у склад Савета мэтазгоднасці. Гэтую пасаду займаў да таго, як стаў прэзідэнтам. У 1999 годзе асудзіў хваляванні падчас выбараў прэзідэнта краіны. Быў абраны 18 лютага 2000 года ў склад Савета экспертаў ад астана Семнан. З 2006 года быў абраны ў Савет экспертаў ад астана Тэгеран.

Рухані займаецца навуковай дзейнасцю. Удзельнічае ў друку навуковых часопісаў на персідскай і англійскай мовах — Рахборт, Іранскі аглядальнік замежных адносін і Замежныя адносіны.

15 чэрвеня 2013 года быў абраны Прэзідэнтам Ірана, набраўшы 18 мільёнаў 613 тысяч 329 галасоў. У жніўні 2013 года прызначыў першым віцэ-прэзідэнтам Эсхака Джахангіры.

Галерэя

•  
  Прыхільнікі Рухані святкуюць перамогу на выбарах 2013 года ў Тэгеране
•  
  Хасан Ферыдан Рухані — падлетак
•  
  Перамовы Ірана з замежнымі палітыкамі па пытанні ядзернай зброі, 21 кастрычніка 2003 года
•  
  Рухані наведаў палявы шпіталь пасля землятрусу 2003 года