Сыраежка
Сыраежка, Сыравежка (Russula) — род шапкавых базідыяльных грыбоў сямейства Сыраежкавыя (Russulaceae).
Апісанне
Пладовае цела грыба — шапка на ножцы. Шапка напачатку пукатая, потым распасцёртая, часта лейкападобная, з завернутым краем і сухой, гладкай, часам слізістай скуркай. Пласцінкі прырослыя або свабодныя. Ножка цыліндрычная, цэнтральная, полая. Мякаць звычайна белая, крохкая, шчыльная, у некаторых відаў едкая на смак. Споры акругла-авальныя, шыпаватыя, бясколерныя або жаўтаватыя.
Ядомая.
Віды
Адрозніваецца каля 280 відаў. Пашыраны пераважна ў Еўразіі і Паўночнай Амерыцы. На тэрыторыі Беларусі больш за 65 відаў. Найбольш вядомыя: валуй (Russula foetens), сыраежка балотная (Russula paludosa), сыраежка жоўтая (Russula claroflava), сыраежка крохкая (Russula fragilis), сыраежка пурпурна-чырвоная (Russula obscura), сыраежка харчовая (Russula vesca), падгруздак белы (Russula delica), падгруздак чорны, ці свіння (Russula adusta), сыраежка рудая (Russula decolorans), сыраежка бураватая (Russula heterophylla) і інш. Трапляюцца з ліпеня па верасень у лясах розных тыпаў.
Заўвагі
Літаратура
- Сыраежка // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 320. — 10 000 экз. — ISBN 985-11-0035-8. — ISBN 985-11-0251-2 (т. 15).
- Галадноў У. М. Сыраежка // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 58. — 583 с., іл. — 10 000 экз.
- Сержанина Г. И., Змитрович И. И. Макромицеты. Иллюстрированное пособие для биологов / Под ред. Н. А. Дорожкина. — Мн.: Вышэйшая школа, 1978. — С. 148—158. — 192 с. — 60 000 экз. (руск.)
- Описание видов рода RUSSULA. Russula Pers., Observ. mycol. (Lipsiae) 1: 100, 1796 // Флора Беларуси. Грибы. В 7 т. Т. 1. Boletales. Amanitales. Russulales / О. С. Гапиенко, Я. А. Шапорова; под ред. В. И. Парфёнова. — Мн.: Беларуская навука, 2012. — С. 137—168. — 199 с.: ил. — 700 экз. — ISBN 978-985-08-1458-6, ISBN 978-985-08-1482-1 (т. 1).
This article uses material from the Wikipedia Беларуская article Сыраежка, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.
