Мона Ліза
«Мона Ліза» («Джаконда»; італ.: La Gioconda, фр.: La Joconde, поўная назва — Партрэт спадарыні Лізы Джаконды, італ.: Ritratto di Monna Lisa del Giocondo) — карціна Леанарда да Вінчы, захоўваецца ў Луўры (Парыж, Францыя), адзін з самых вядомых твораў жывапісу ў свеце, які, як лічыцца, з’яўляецца партрэтам Лізы Герардзіні, жонкі гандляра шоўкам з Фларэнцыі Франчэска дэль Джаконды, твор напісаны каля 1503—1505 гадах.
| ||
| Леанарда да Вінчы | ||
| Партрэт спадарыні Лізы Джаконда Мона Ліза. 1503—05 | ||
| Ritratto di Monna Lisa del Giocondo | ||
| Матэрыял | Дошка (таполя) | |
|---|---|---|
| Тэхніка | алей | |
| Памеры | 76,8 × 53 см | |
| Луўр, Парыж | ||
| (інв. INV 779 і MR 316) | ||
 Медыяфайлы на Вікісховішчы | ||
Маладая жанчына выяўлена на фоне загадкавага, фантастычнага краявіду. Нагрувашчванне скал, вадзяныя патокі, адсутнасць зеляніны ствараюць выразны кантраст у параўнанні са спакойнай трактоўкай мадэлі. Адносіны паміж фігурай і прасторай падаюцца ў амаль няўлоўных пераходах святла і ценю, цёплых і халодных колераў. Тут упершыню быў выкарыстаны прыём, які жывапісец назваў «сфумата», што можна перакласці як «смуга».
Нягледзячы на дакладнасць пластычнага вырашэння, тэхнічную завершанасць партрэта, Леанарда да Вінчы лічыў свой твор незакончаным і працягваў працаваць над ім некалькі гадоў. Гэты твор вельмі паказальны для яго мастацкай канцэпцыі.
Гл. таксама
Зноскі
Літаратура
- Лазука Б. Гісторыя сусветнага мастацтва. Ад старажытных часоў па XVI стагоддзе / Б. А. Лазука. — Мн.: Беларусь, 2010. ISBN 978-985-01-0894-4
This article uses material from the Wikipedia Беларуская article Мона Ліза, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.