Метанол

Упершыню атрыманы Ж. Дзюма и Э. Пеліго.

Метанол
Агульныя
Хім. формула	CH₄O
Фізічныя ўласцівасці
Адн. малек. маса	32,04 а. а. м.
Шчыльнасць	0,7928 г/см³
Тэрмічныя ўласцівасці
Тэмпература плаўлення	−97,88 °C
Тэмпература кіпення	64,509 °C
Класіфікацыя
Рэг. нумар CAS	67-56-1
PubChem	887
Рэг. нумар EINECS	200-659-6
SMILES	CO
RTECS	PC1400000
ChemSpider	864

Бясколерная лёгкарухомая вадкасць з характэрным пахам, падобным да паху этылавага спірту. Малекулярная маса 32,04 а. а. м. Змешваецца з вадой і арганічнымі растваральнікамі, раствараецца ў хлараформе. Тэмпература плаўлення −97,88 °C. Тэмпература кіпення 64,509 °C. Шчыльнасць 0,7928 г/см³ (пры 20 °C). У прыродзе амаль не сустракаецца у свабодным стане.

Раней метылавы спірт атрымлівалі метадам сухой перагонкі драўніны. У сучаснасці яго атрымліваюць некалькім хімічнымі метадамі. Асноўным з'яўляецца сінтэз з сумесі аксіду вугляроду(II) (CO) і вадароду ў прысутнасці каталізатараў ZnO, Cr₂O₃ пры тэмпературы 400 °C і ціску 2·10⁷—3·10⁷ Па.

CO + 2 H₂ → CH₃OH

Рэакцыю могуць паскорыць такія каталізатары, як аксід медзі, цынку альбо хрому.

Метанол выкарыстоўваецца ў прамысловасці ў складзе антыфрызаў, растваральнікаў лакаў і фарбаў, у якасці паліва і зыходнай сыравіны ў працэсах атрымання фармальдэгіду, хлорыстага метылу і інш.

Метанол з'яўляецца вельмі атрутным рэчывам. Пашкоджвае нервовую і сасудзістую сістэму. У дозах 4—15 мл выклікае слепату і цяжкае атручэнне арганізма чалавека. Смяротная доза для чалавека складае 30—100 мл.