Ліпень: сёмы месяц у Юліянскім і Грыгарыянскім календарах

Складаецца з 31 дня.

У выданнях Ф. Скарыны падаецца народная назва ліпеня — липець, у «Храналогіі» А. Рымшы (1581) згадваецца як липецъ. Назва, ужываная ў сучаснай беларускай літаратурнай мове, узнікла ў асяроддзі газеты «Наша ніва» і набыла больш-менш канчатковую форму ў 1912, калі ў календары «Нашай нівы» былі пададзеныя прапанаваныя назвы месяцаў з тлумачэннямі. Паслядоўна ў «Нашай ніве» ўжываліся варыянты назвы: у 1907 — ліпец, у 1908 — ліпень, у 1909 — юль, у 1910—1912 — ліпень (юль); у календары «Нашай нівы» на 1912 г. — ліпень (жыцень); у далейшым — ліпень.

На ліпень прыпадаюць наступныя знакі задыяка:

• Да 22 ліпеня рак
• З 23 ліпеня леў