Жэрар Піке: іспанскі футбаліст

Жэрар Піке
Жэрар Піке
	;
Агульная інфармацыя
Поўнае імя	Gerard Piqué Bernabéu
Нарадзіўся	2 лютага 1987[…] (37 гадоў); Барселона, Іспанія;
Грамадзянства	Іспанія
Рост	1,94 м
Вага	85 кг
Пазіцыя	цэнтральны абаронца
Інфармацыя пра клуб
Клуб	завяршыў кар’еру
Маладзёжныя клубы
1997—2004	Барселона
Клубная кар’ера
Нацыянальная зборная
Узнагароды і медалі
	Чэмпіянаты свету
Золата	ПАР 2010
	Кубкі канфедэрацый
Бронза	ПАР 2009
Срэбра	Бразілія 2013
	Чэмпіянаты Еўропы
Золата	Польшча/Украіна 2012
	Медыяфайлы на Вікісховішчы

2 лютага 1987, Барселона, Іспанія) — іспанскі футбаліст, абаронца. Ігрок нацыянальнай зборнай Іспаніі (2009—2018). На клубным узроўні вядомы па выступах за «Барселону». Чэмпіён свету ў складзе зборнай Іспаніі 2010 года і чэмпіён Еўропы 2012 года.

Клубная кар’ера

Раннія гады

Піке з’яўляецца ўнукам знакамітага былога віцэ-прэзідэнта «Барселоны», Амадора Бернабеу. З’яўляецца выхаванцам каталонскага клуба. Жэрар быў набыты «Манчэстэр Юнайтэд» 1 ліпеня 2004 года. Затым у сезоне 2006/07 адправіўся ў арэнду ў «Рэал Сарагоса».

«Манчэстэр Юнайтэд»

Дэбют Піке ў стартавым складзе «Манчэстэр Юнайтэд» адбыўся ў матчы 3-га круга кубка Англіі супраць «Экстэра», які скончыўся ўнічыю. Ён таксама рэгулярна выступаў у камандзе рэзервістаў пад кіраўніцтвам Рыкі Сбраджыя.

У лютым 2005 года працягнуў кантракт з клубам да лета 2009 года. Згуляў свой першы матч і забіў першы гол у Лізе чэмпіёнаў 7 лістапада 2007 года ў паядынку супраць кіеўскага «Дынама» (4:0).

27 мая 2008 года Піке, так і не здолеўшы зайграць у «Манчэстэр Юнайтэд», заключыў кантракт з «Барселонай» на чатыры гады з сумай выкупу ў 50 млн еўра. Сума ўгоды паміж клубамі не выдаецца.

«Барселона»

У сваім дэбютным сезоне за «Барселону» першы матч Піке згуляў 13 жніўня 2008 года ў кваліфікацыйным раундзе Лігі чэмпіёнаў УЕФА супраць польскай «Віслы», выйшаўшы на замену на 75 хвіліне замест Дані Алвіса. Той матч каталонцы перамаглі з лікам 4:0. Першы гол быў забіты Жэрарам 26 лістапада 2008 года ў гульні супраць лісабонскага «Спортынга» (2:5).

3 лістапада 2022 года абвясціў аб завяршэнні кар’еры пасля матча з «Альмерыяй» 5 лістапада. У гэтым матчы выйшаў у стартавым складзе ў якасці капітана і быў пад авацыі заменены на 84-й хвіліне. З-за праблем са складам трапіў у заяўку «Барселоны» і на наступны матч 8 лістапада супраць «Асасуны», дзе застаўся на лаўцы запасных, а на 45-й хвіліне атрымаў чырвоную картку за спрэчку з арбітрам.

Міжнародная кар’ера

Паспяховае выступленне за «Барселону» прыцягнула ўвагу настаўніка зборнай Іспаніі Вісентэ дэль Боске, які выклікаў Піке ў зборную. Піке прыняў удзел у Кубку Канфедэрацыі, дзе Іспанія выступіла не занадта ўдала. На чэмпіянаце свету 2010 разам са сборнай стаў чэмпіёнам свету. На чэмпіянаце Еўропы 2012 года разам са зборнай Іспаніі стаў чэмпіёнам Еўропы.

Завяршыў кар’еру ў зборнай Іспаніі пасля чэмпіянату свету 2018 года.

Дасягненні

Клубныя

«Манчэстэр Юнайтэд»:

Чэмпіён Англіі: 2008
Пераможца Лігі чэмпіёнаў: 2008
Уладальнік Суперкубка Англіі: 2007

«Барселона»:

Чэмпіён Іспаніі (8): 2009, 2010, 2011, 2013, 2015, 2016, 2018, 2019
Уладальнік Кубка Іспаніі (7): 2009, 2012, 2015, 2016, 2017, 2018, 2021
Уладальнік Суперкубка Іспаніі (6): 2009, 2010, 2011, 2013, 2016, 2018
Пераможца Лігі чэмпіёнаў (3): 2009, 2011, 2015
Уладальнік Суперкубка УЕФА (2): 2009, 2015
Пераможца клубнага чэмпіянату свету (3): 2009, 2011, 2015

Міжнародныя

Іспанія:

Чэмпіён свету: 2010
Чэмпіён Еўропы: 2012
Бронзавы прызёр Кубка канфедэрацый: 2009

Асабістае жыццё

У лютым 2011 года стала вядома, што футбаліст ужо некалькі месяцаў сустракаецца з вядомай калумбійскай спявачкай Шакірай. Пара мае двух дзяцей. У 2022 года стала вядома аб раставанні Піке і Шакіры.

Таксама Жэрар гуляе ў покер. На адным буйным покерным турніры, які праходзіў у Барселоне, Піке заняў 3-е месца і выйграў 40 950 еўра. 20 лютага 2012 года Жэрар быў абраны асобай лініі адзення Mango.