Чырвоны Шлях
«Чырвоны шлях» — беларускі грамадзка-палітычны і літаратурны часопіс.
Выдаваўся ў Петраградзе ў 1918 годзе.
| Чырвоны шлях | |
| Адрас | Петраград |
|---|---|
| Выдавец | Беларускі аддзел Наркамату па справах нацыянальнасьцяў Саюзу камунаў Паўночнай вобласьці |
| Дата заснаваньня | ліпень 1918 |
| Дата закрыцьця | сьнежань 1918 |
| Мова | беларуская мова |
Гісторыя
Выдаваўся Беларускім аддзелам Наркамату па справах нацыянальнасьцяў Саюзу камунаў Паўночнай вобласьці ў ліпені — сьнежні 1918 году. Тэксты публікаваліся часткова па-расейску, часткова па-беларуску.
Асьвятляў дзейнасьць Белнацкаму, беларускіх сэкцыяў РКП (б), пытаньні гісторыі, культуры, палітычнага і эканамічнага жыцьці Беларусі. Публікаваў працы беларускіх навукоўцаў і творы беларускіх пісьменьнікаў. З часопісам супрацоўнічалі Янка Купала, Якуб Колас, Цішка Гартны. Аляксандар Сержпутоўскі (пад псэўданімам Навум Смага) апублікаваў сэрыю нарысаў «Малюнкі Беларусі» пра цяжкі побыт беларусаў. Генэрал Канстанцін Аляксееўскі апублікаваў «Успаміны пра Ўсебеларускі зьезд у месьце Менску», дзе пакінуў зварот да беларускай моладзі «няхай жыве на вякі [вольная Беларусь]».
Выдаваўся 2 разы ў месяц. Агулам выйшла 10 нумароў, у асноўным здвоеных.
Крыніцы
Літаратура
- Беларуская дыяспара як пасрэдніца ў дыялогу цывілізацый: Матэрыялы ІІІ Міжнар. кангрэса беларусістаў «Беларуская культура ў дыялогу цывілізацый». — Менск: «Беларускі кнігазбор», 2001. ISBN 985-6638-15-1.
Вонкавыя спасылкі
- Чырвоны шлях, 1918(недаступная спасылка), Нацыянальная бібліятэка Беларусі
This article uses material from the Wikipedia Беларуская (тарашкевіца) article Чырвоны шлях, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.