Сьвя́та сьвятла́ (па-француску: fête des lumières) — традыцыйнае сьвята ў горадзе Ліёне, якое праходзіць напачатку сьнежня.
Пачатак сьвяткаваньня адносіцца да 1643 году, калі ва ўсёй Эўропе зьявілася эпідэмія чумы. Гарадзкія дарадцы прынялі пастанову зьвярнуцца непасрэдна да Дзевы Марыі з просьбай пра заступніцтва і прынялі загадзя абяцаньне ўсімі даступнымі ім сіламі праславіць яе. 8 верасьня чума сьціхла, і Ліён стаў адзіным у Францыі горадам, які практычна не закранула эпідэмія.
Абяцаньне было ўвасоблена ў выглядзе статуі Маці Божай, выкананай з пазалочанай бронзы. Аднак у верасьні, як правіла, адбываецца паводка, якая ўскладняла доступ да месца знаходжаньня статуі. Таму цырымонія была перанесена на 8 сьнежня. У дзень, прызначаны для правядзеньня гарадзкога сьвята, надвор’е было вельмі дрэннае. Аднак паўсюль панавала агульная радасьць, горад быў упрыгожаны агнямі, званілі званы і стралялі гарматы. Аднак як толькі кардынал дэ Богард асьвяціў статую, распачалася навальніца, і з прычыны непагадзі агні давялося пагасіць і скончыць цырымонію.
Калі навальніца прайшла, насельніцтва яшчэ знаходзілася ў сьвяточным настроі і без афіцыйнага на тое ўказаньня запаліла паўсюдна агні, працягнуўшы сьвята. Так зьявілася традыцыя ілюмінацыі.
З часам сьвята набыла сьвецкі характар. Муніцыпалітэт Ліёну ўсьвядоміў, што штогадовыя сьнежаньскія ілюмінацыі значна падвышаюць прывабнасьць гораду ва ўсіх значэньнях гэтага слова: «…падсвятленьне ўяўляе сабой унікальны спосаб адназычць асаблівасьці гораду, яго сьцен і архітэктурных скарбаў».
У 1989 г. быў зацьверджаны «Плян Асвятленьне», згодна зь якім прынята штоноч асьвятляць 325 грамадзкіх будынкаў гораду. У 2002 годзе сьвята было заменена Фэстам агнёў, які доўжыцца чатыры дні з 8 сьнежня. Штогод гэта велічнае сьвята прыцягвае ў горад да трох мільёнаў турыстаў.
This article uses material from the Wikipedia Беларуская (тарашкевіца) article Сьвята сьвятла, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.