Алег Салтук (25 жніўня 1946, в.
Рыжэнькі, Шумілінскі раён, Віцебская вобласьць — 23 красавіка 2015) — беларускі паэт і перакладчык. Ляўрэат літаратурных прэмій Ленінскага камсамолу Віцебшчыны, імя Ўладзімера Караткевіча, часопіса «Маладосьць», «Сузор'е муз».
Алег Салтук | |
Асабістыя зьвесткі | |
---|---|
Нарадзіўся | 25 жніўня 1946 |
Памёр | 23 красавіка 2015 (68 гадоў) |
Літаратурная дзейнасьць | |
Род дзейнасьці | перакладнік, паэт |
Мова | беларуская мова |
Узнагароды |
Нарадзіўся ў сям’і хлебаробаў, якая ў 1962 годзе пераехала на радзіму бацькі ў вёску Якаўкі Вушацкага раёну. Да школы бацька навучыў сына чытаць, а маці зь дзяцінства прывіла любоў да песьні. У 1963 годзе скончыў Мішкавіцкую сярэднюю школу і паступіў на аддзяленьне расейскай мовы і літаратуры Магілёўскага пэдагагічнага інстытуту імя Аркадзя Куляшова. Пасьля заканчэньня ВНУ (1967) служыў у Савецкай Арміі. У 1969—73 гадах — адказны сакратар раённай газэты «Патрыёт» (г. п. Ушачы). 3 1974 году — уласны карэспандэнт абласной газэты «Віцебскі рабочы». 3 1980 году па 1999 год — сакратар Віцебскага абласнога аддзяленьня Саюзу беларускіх пісьменьнікаў. Узнагароджаны мэдалямі.
Першы верш надрукаваў у 1965 годзе ў газэце «Магілёўская праўда» са згоды Аляксея Пысіна, які быў яго першым літаратурным настаўнікам. Асноўныя матывы паэзіі Салтука — любоў да Радзімы, роднай зямлі, гераічная памяць беларускага народу, клопаты і трывогі нашых дзён, пачуцьці сяброўства і каханьня, няпростыя чалавечыя адносіны.
Аўтар зборнікаў паэзіі «Пачатак дня» (1974), «Працяг» (1977), «Сьвятло зямлі» (1982), «На далонях жыцьця» (1988), «Сьвятло зямлі» — выбранае (1992), «Трывога лёсу» (1996), «Не разьлюбі» (2003), «На вейцы веку» (2006).
Творы паэта перакладаліся таксама на ўкраінскую, польскую, расейскую, баўгарскую, нямецкую, асяцінскую мовы. Салтук перакладаў на беларускую мову вершы расейскіх і ўкраінскіх паэтаў.
Ляўрэат літаратурнай прэміі «Залаты купідон» (2011).
Жыў у Віцебску.
This article uses material from the Wikipedia Беларуская (тарашкевіца) article Алег Салтук, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.