Пятро́ўскі фэст — штогадовы рэгіянальны фэст традыцыйнай культуры. Ладзіцца ў в. Шыпілавічы (Любанскі раён) намаганьнямі РМГА «Студэнцкае этнаграфічнае таварыства» ды Любанскага раённага аддзелу культуры.
Пятроўскі фэст | |
Гады | 2011 — цяпер |
---|---|
Краіна | Беларусь |
Горад | в. Шыпілавічы (Любанскі раён) |
Мова(-ы) | беларуская |
Злучаныя праекты | Студэнцкае этнаграфічнае таварыства |
У межах фэсту праходзіць танцавальная школа «Пятровіца». Вучыць танцаваць беларускія танцы Сяргей Выскварка — этнограф, спэцыяліст па традыцыйным танцавальным этыкеце і манеры, загадчык арганізацыйна-творчага аддзелу Любанскага раённага цэнтру культуры, кіраўнік фальклёрнага ансамбля «Верабейкі» (Любань).
Каардынатар фэсту Настасься Кухарэнка.
Адна з мэт школы — навучыцца адпачываць традыцыйна, па-беларуску, без кампутараў і тэлевізараў, а зь песьнямі, танцамі ды гульнямі. | ||
У фэсьце ўдзельнічала каля 70 чалавек. У тым ліку госьці з Масквы ды беларусы Прыбайкальля — гурт «Крывічы» з Іркуцку.
Такія кірмашы раней былі ў кожнай вёсцы, толькі ладзіліся ў розныя дні, — дзе сваякі зьбіраліся на Юр’я, дзе на Ільлю, дзе на Троіцу… Але цяпер гэта, на жаль, ня модна. У Шыпілавічах жа гуляюць! Можа, ня так, як некалі, больш сьціпла, але ўсё роўна пад вечар адчувалася, што ў вёсцы сьвята… | ||
У праграме танцавальнай школы: — мк сп. Выскваркі (паглыбляем атрыманыя веды і вучымся адрозьніваць Мікіту ад Зайчыка); — сьпеўныя заняткі па ўнікальнай методыцы сп. Рыжковай; — мк. па танцах Случчыны і Старых Дарог; — мк ад аўтэнтычнага гурта в. Пагост (Жыткавіцкі раён).
У вёсцы Шыпілавічы ... традыцыя сьвяткаваньня Пятрова дня захавалася дзякуючы намаганьням нешматлікіх карэнных жыхароў і неабыякавай да сваёй культуры беларускай моладзі. | ||
У фэсьце ўдзельнічала каля 60 чалавек. У тым ліку госьці зь Летувы ды Расеі.
У наш час Петрака ў Шыпілавічах адзначаюць наступным чынам: удзень праваслаўны бацюшка зь Любані служыць малебен ля прыдарожнага крыжа (ў Шыпілавічах няма царквы). Бліжэй да вечара дзяўчаты, апранутыя ў народныя строі, разыходзяцца па вуліцах вёскі зь пятроўскімі песьнямі, каб запрасіць на сьвята тых вяскоўцаў, якія яшчэ дома. Потым на лузе раскладаюць вогнішча, вакол яго дзяўчаты і жанчыны водзяць карагоды. Мужчыны ў карагодах ня ўдзельнічаюць. Дзяўчаты, якім час замуж, становяцца адна за адной, а замужнія жанчыны, узяўшыся за рукі, абыходзяць іх „зьмейкай“ зь пятроўскай песьняй. Абышоўшы дзяўчат, жанчыны застаюцца ля вогнішча, а дзяўчаты, у сваю чаргу, водзяць вакол іх карагод. Стаўшы сьпіной да вогнішча, замужнія жанчыны па чарзе сыплюць у агонь соль, прыгаворваючы пажаданьні на добры ўраджай. Потым пачынаецца кумленьне: дзяўчаты абіраюць хлапцоў, зь якімі хочуць гуляць цэлы вечар, і аддаюць ім свой вянок. Потым пары скачуць праз вогнішча, узяўшыся за рукі. За пацалунак хлопцы аддаюць назад дзяўчатам вянкі са словамі: „Пакуміліся мы з табою, як рыбка з вадою, цяпер гуляць станем і да наступнага Пятра сварыцца ня будзем“. Ці можна сказаць адно аднаму проста: „Ты кум, я кума“. Фінал мерапрыемства — дэгустацыя зваранай на вогнішчы юшкі, бо, паводле легенды, Пётр быў рыбаком. | ||
This article uses material from the Wikipedia Беларуская (тарашкевіца) article Пятроўскі фэст, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.