Герстолт
Герстолт (Гірстолт, Гірстоўт), Гірстаўт (Гірштаўт) — мужчынскае імя і вытворнае ад яго прозьвішча.
| Герстолт лац. Gierstołt / Hierstołt | |
| Паходжаньне | |
|---|---|
| Мова(-ы) | германскія |
| Утворанае ад | Gero + Stalto |
| Іншыя формы | |
| Варыянт(ы) | Гірстолт, Гірстоўт, Гірстаўт, Гірштаўт |
| Зьвязаныя артыкулы | |
| якія пачынаюцца з «Герстолт» | |
Паходжаньне
- Асноўны артыкул: Імёны ліцьвінаў
Гера або Гіра (Gero, Giro) і Сталта (Stalto) — імёны германскага паходжаньня. Іменная аснова -гер- (-гар-, -гір-) (імёны ліцьвінаў Гералт, Гермонт, Бутгер; германскія імёны Gerolt, Geromont, Butger) паходзіць ад стараісьляндзкага geirr, стараверхненямецкага gēr 'дзіда', а аснова -сталд- (-сталт-) (імёны ліцьвінаў Вінстаўт, Нястольт; германскія імёны Winstalt, Nistaldus) — ад гоцкага stalds 'які набывае, прагны'. Адзначалася старажытнае германскае імя Heristalt (Heri-stalt).
Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Герстман (Gierstman).
У Прусіі бытавала імя Герыстот: Geristot (1360 год).
Варыянты імя ў гістарычных крыніцах: Girstawt (Хроніка Віганда); у Медникох. Кгирстолъту два чоловеки (1440—1492 гады); пять чоловеков… а Кгирстовтовича (9 лістапада 1449 году); homines… Gyrsztholth (8—13 сакавіка 1462 году); Nicolao Gyhirstoltowycz (10 чэрвеня 1471 году); листъ боярина виленского Миколаевъ Кгирстовътовича… именя Миколаевы Кгирстовътовича в Моишокголе и въ Свире (6 жніўня 1496 году); nobili Nicolao Gerstoltowycz (3 лістапада 1505 году); Adam Girstowt… Andrzej Walentynowicz Girstowt… Władysław Girstowt (1667 год); P. Władysławem Girsztowtem, Daniel Girsztowt (1690 год).
Носьбіты
- Гірстолт — літоўскі баярын, які атрымаў наданьне ад вялікага князя Казімера
Крыніцы
This article uses material from the Wikipedia Беларуская (тарашкевіца) article Герстолт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.