Баляслаў Віславух: польскі журналіст, палітык
Балясла́ў Ігна́цы Віславу́х (па-польску: Bolesław Ignacy Wysłouch; 22 лістапада 1855, маёнтак Саха, Кобрынскі павет, Расейская імпэрыя, цяпер Залужжа, Драгічынскі раён Берасьцейскай вобласьці Беларусі — 13 верасьня 1937, Львоў, Львоўскае ваяводзтва, Польская Рэспубліка) — польскі грамадзкі дзяяч, публіцыст, палітык.
| Баляслаў Віславух | |
 | |
| Асабістыя зьвесткі | |
|---|---|
| Нарадзіўся: | 1855 або 22 лістапада 1855 |
| Памёр: | 13 верасьня 1937 |
| Партыя: | |
| Сужэнец: | Марыя Віславух |
| Адукацыя: | |
- Вікіпэдыя мае артыкулы пра іншых асобаў з прозьвішчам Віславух.
Жыцьцяпіс
Паходзіў з шляхецкага палескага роду Віславухаў. Скончыў Тэхналягічны інстытут у Пецярбургу (1879) па спэцыяльнасьці інжынэр-хімік. Адсядзеў 3 гады ў Варшаўскай цытадэлі; вызваліўшыся, пасяліўся ў Львове.
Быў выдаўцом і рэдактарам шэрагу выданьняў: «Przegląd Społeczny», «Kurier Lwowski», «Przyjaciel Ludu» (1889—1902). У 1894 быў ініцыятарам стварэньня Польскага дэмакратычнага таварыства, а ў 1895 — Сялянскай партыі ў Галіцыі, уваходзіў у ейную Цэнтральную раду. У 1912—1913 — кіраўнік партыі ПСП — Зьвяз незалежных сялянаў, у 1913—1923 — сябра ПСЛ «Пяст», у 1923—1925 — сябра ПСЛ «Вызваленьне», у 1925 — сябра Клюбу працы. У 1922—1927 — сэнатар, пасьля чаго адышоў ад палітыкі.
Жонка — Марыя з Боўфалаў, грамадзкая дзяячка, асьветніца, арганізатарка нацыянальнага руху ў Галіцыі. Аўдавеўшы, другі раз жаніўся з Браніславай з Шабатоўскіх, палкоўнік Польскіх узброеных сілаў на Захадзе, інспэктарка Жапаможнай службы жанчынаў.
Памёр у Львове, пахаваны на Лычакаўскіх могілках.
Крыніцы
Літаратура
- Brock, Boleslaw Wyslouch: Founder of the Polish Peasant Party. Slavonic and East European Review, xxx (74), 1951.
- Mazurek, Kraj a emigracja. Instytut Studiów Iberyjskich i Iberoamerykańskich, Warsaw, 2006.
- Kudłaszyk, Wysłouch, Myśl społeczno-polityczna Bolesława Wysłoucha: 1855—1937. Wrocław, 1978.
- Encyklopedia PWN, 2007.
Вонкавыя спасылкі
This article uses material from the Wikipedia Беларуская (тарашкевіца) article Баляслаў Віславух, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.