1Очество: альбом гурту „Подсознание“

1. От суеты подальше
2. Судьбу не выбирают
3. Внутри меня при feat. Allegretto
4. Где-то сейчас скучает
5. Вера
6. В сознании при feat. Allegretto
7. О нем при feat. Чебур
8. Пепел
9. 1очество
10. Отражение feat. Allegretto

Музычны крытык Алег Клімаў з парталу Experty.by канстатуе, што «з падсьвядомасьці, сьвядомасьці, надсьвядомасьці й пазасьвядомасьці каманда выцягвае свае думкі й пачуцьці, канструюе зь іх вербальны пасыл і адпраўляе яго нам — слухачам». Музычны журналіст Зьміцер Безкаравайны з парталу Experty.by адзначыў, што «гэта проста аматарская па ўсіх парамэтрах праца, якую сур’ёзна раскладваць і абмяркоўваць немагчыма і ня трэба. Запіс для сяброў, які па той ці іншай выпадковасьці стаў публічным рэлізам. Музычны крытык Сяргей Будкін з парталу Experty.by мяркуе, «тое, што робяць гэтыя бабруйскія рэперы наўрад ці можна пакуль аналізаваць. З выданьнем дыску яны яўна пасьпяшаліся». Музычны журналіст Зьміцер Падбярэскі з парталу Experty.by падсумаваў: «гэта таннае выданьне ва ўсіх літаральна сэнсах, уключна пячорнай ідэі дызайн. Гэта ня рэп, як можа нехта падумаць, гэта — самадзейная пад яго падробка, увасобленая па-аматарску і з пэўнай доляй нахабства». Радыёваядучая Надзея Кудрэйка адзначыла альбом 2 баламі з 10 і пераканана, што дадзенаму гурту проста няма чаго сказаць: «у іх настолькі банальныя і штампаваныя тэксты, бязь найменьшай канкрэтнай дэталі, бязь найменьшай асобаснай характарыстыкі выканаўцаў, што проста дзіву даеся — як прымудрыліся набраць розных словаў на цэлы альбом».

• Ігар — вакал;
• Жэка — вакал.