Сяргей Румас: беларускі палітык

1 сьнежня 1969 году, Гомель) — беларускі эканаміст, прэм’ер-міністар Беларусі (2018—2020). Намесьнік прэм’ер-міністра Беларусі (2010—2012). У 2011—2019 гадах — старшыня асацыяцыі «Беларуская фэдэрацыя футболу».

Сяргей Румас
Прэм’ер-міністар Рэспублікі Беларусь
18 жніўня 2018 — 3 чэрвеня 2020
Прэзыдэнт:	Аляксандар Лукашэнка
Папярэднік:	Андрэй Кабякоў
Наступнік:	Раман Галоўчанка
Намесьнік прэм’ер-міністра Рэспублікі Беларусь
28 сьнежня 2010 — 31 ліпеня 2012
Прэзыдэнт:	Аляксандар Лукашэнка
Прэм’ер-міністар:	Міхаіл Мясьніковіч
Старшыня праўленьня ААТ «Белаграпрамбанк»
22 верасьня 2005 — 28 сьнежня 2010
Асабістыя зьвесткі
Нарадзіўся:	1 сьнежня 1969 (54 гады) Гомель
Партыя:	незалежны палітык[d]
Бацька:	Мікалай Румас
Маці:	Вольга Румас
Адукацыя:	Яраслаўская вышэйшая вайсковая фінансавая вучэльня імя генэрала арміі А. В. Хрулёва[d] (1990) Акадэмія кіраваньня пры прэзыдэнце Рэспублікі Беларусь (1995)
Узнагароды:
Сяргей Румас у Вікісховішчы

Нарадзіўся 1 сьнежня 1969 году ў Гомлі. У 1990 годзе скончыў Яраслаўскую вышэйшую ваенную фінансавую вучэльню па спэцыяльнасьці «фінансавае забесьпячэньне войскаў». 1990—1992 — служба ў войску. У 1995 годзе скончыў Акадэмію кіраваньня пры Кабінэце міністраў Рэспублікі Беларусь па спэцыяльнасьці «арганізацыя і кіраваньне зьнешнеэканамічнай дзейнасьцю».

Працаваў у спэцупраўленьні пры беларускай канторы Дзяржбанку СССР, камэрцыйных банках Беларусі, «Беларусбанку». З чэрвеня 2002 году — намесьнік старшыні праўленьня ААБ «Беларусбанк». 22 верасьня 2005 — 28 сьнежня 2010 — старшыня праўленьня ААТ «Белаграпрамбанк».

З 28 сьнежня 2010 — намесьнік прэм’ер-міністра Беларусі. 31 ліпеня 2012 году звольнены з пасады намесьніка прэм’ер-міністра ў сувязі з прызначэньнем старшынём праўленьня ААТ «Банк разьвіцьця Рэспублікі Беларусь».

З 22 красавіка 2011 году да 27 сакавіка 2019 году — старшыня Беларускай фэдэрацыі футболу. З 25 красавіка 2013 году ўключаны ў склад Прэзыдыюму Савету міністраў Рэспублікі Беларусь з паўнамоцтвамі намесьніка прэм’ер-міністра па пытаньнях дзейнасьці Рэспублікі Беларусь у рамках Саюзнай дзяржавы Беларусі і Расеі, Мытнага зьвязу і Адзінай эканамічнай прасторы. 18 жніўня 2018 году быў прызначаны прэм’ер-міністрам Беларусі замест Андрэя Кабякова.

У лютым 2023 году Румас трапіў у чорны сьпіс Украіны.

Кандыдат эканамічных навук. Кавалер ордэну Сяброўства.

• Сяргей Румас назначаны намесьнікам прэм’ер-міністра Беларусі // «Звязда» №254 (26862) 29 сьнежня 2010

• Старонка на праекце «Хто ёсьць хто ў Рэспубліцы Беларусь» (рас.)