Менск Сынагога Зальцмана

сынагога
Сынагога Зальцмана
Краіна	Беларусь
Горад	Менск
Адрас	Вуліца Ракаўская (Менск) (24)
Каардынаты	53°54′19″ пн. ш. 27°32′49″ у. д. / 53.90528° пн. ш. 27.54694° у. д. / 53.90528; 27.54694 27°32′49″ у. д. / 53.90528° пн. ш. 27.54694° у. д. / 53.90528; 27.54694
Канфэсія	юдаізм
Дата заснаваньня	1864
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Сынагога Зальцмана на мапе Беларусі Сынагога Зальцмана
Сынагога Зальцмана на Вікісховішчы

Сынаго́га Зальцмана — колішняя жыдоўская бажніца, якая месьціцца ў Менску на вуліцы Ракаўскай.

Сынагога была пабудаваная ў 1864 годзе на грошы купца Зальцмана для бедных жыдоў зь Менску на Ракаўскім прадмесьці, перабудаваная ў пачатку XX ст. Падчас Другой сусьветнай вайны была закінутая. Пасьля сканчэньня вайны была перабудаваная для разьмяшчэньня там спартовага клюбу. Цяпер там разьмяшчаецца шахматны цэнтар — спэцыялізаваная дзіцяча-юнацкая школа алімпійскага рэзэрву (СДЮШАР-11).

Двухпавярховы са складаным плянам цагляны будынак. Галоўны фасад асымэтрычнай кампазыцыі, цэнтральная частка вылучаная рызалітам, завершаным фігурным атыкам. Вокны 1-га паверху паўцыркульныя, высокія, бязь ліштваў, другога — прастакутныя. У кутнім (у паўднёва-ўсходняй частцы) неглыбокім рызаліце прарэзанае вузкае высокае акно, якое асьвятляе лесьвічны вузел.

• Збор помнікаў гісторыі і культуры Беларусі. — Мн.: Беларуская савецкая энцыклапедыя, 1986—1988.

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  711Е000001

• Здымкі будынка сынагогі на сайце Radzima.org