Ракаў Чанстахова: польскі футбольны клюб

Заснаваны ў 1921 годзе. Назва клюбу паходзіць ад раёну Ракаў, дзе знаходзіцца сядзіба і стадыён клюбу. «Ракаў» ёсьць чэмпёнам Польшчы, а таксама двухразовым уладальнік Кубка Польшчы і Супэркубка Польшчы.

Ракаў
Поўная назва	па-польску: RKS Raków Częstochowa Spółka Akcyjna
Заснаваны	1921
Горад	Чанстахова, Польшча
Стадыён	Гарадзкі Умяшчальнасьць: 4200
Галоўны трэнэр	Марэк Папшун[d]
Чэмпіянат	Экстракляса
· 2022—2023	1 месца
Хатнія колеры Выязныя колеры
Галерэя здымкаў у Вікісховішчы rakow.com (пол.)

Спартовы клюб «Раковія» быў створаны ў 1921 годзе ў вёсцы Ракаў. Клюб быў распушчаны ў 1925 годзе праз адсутнасьць рэгістрацыі. У 1927 годзе клюб аднавіў сваю дзейнасьць пад назвай «Рабочы спартовы клюб „Ракаў“». Праз год вёска стала часткай Чанстаховы. Клюб дзейнічаў пад патранажам Польскай сацыялістычнай партыі і фінансава падтрымліваўся Чанстахоўскім сталеліцейным заводам. У 1937 годзе клюб падвысіўся да ўдзелу ў клясе А. Падчас нямецкай акупацыі клюб ня дзейнічаў. У 1951—1955 гадах быў пабудаваны футбольны стадыён з лёгкаатлетычнымі дарожкай. У 1962—1966 гадах футбольная дружына гуляла ў Другой лізе. 9 ліпеня 1967 году «Ракаў» трываў паразу зь лікам 0:2 у матчы супраць «Віслы» з Кракава ў фінале Кубка Польшчы. У 1972 годзе футбалісты «Ракава» дайшлі да паўфіналу Кубка Польшчы, але саступілі варшаўскай «Легіі». У 1978—1980, 1981—1984 і 1990—1994 гадах клюб выступаў у Другой лізе. У 1993 годзе юніёрская каманда заняла 2-е месца ў чэмпіянаце Польшчы па футболе сярод юніёраў.

У 1994 годзе «Ракаў» упершыню ў гісторыі клюбу трапіў у Першую лігу. Тамака ў найвышэйшым дывізіёне клюб правёў чатыры сэзоны, пакуль не панізіўся ў сэзоне 1997—1998 гадоў. У наступным дружына пасьлядоўна штогод апускалася ў структуры ліг, дасягнуўшы ажно Чацьвертай лігі. У 2016 годзе клюб нарэшце вярнуўся ў другі польскі дывізіён. Паводле вынікаў розыгрышу Першай лігі сэзону 2018—2019 гадоў «Ракаў» здабыў перамогу і атрымаў падвышэньне ў Экстраклясу ўпершыню за 21 год. У тым жа сэзоне чанстахоўцы нечакана дасягнулі паўфіналу Кубка Польшчы 2018—2019 гадоў, выбіўшы з розыгрышу спачатку познанскі «Лех» у 1/8 фіналу, а потым варшаўскую «Легію» ў чвэрцьфінале. У першы сэзон па вяртаньні дружына заняла 10-е месца.

У сэзоне 2022—2023 гадоў «Ракаў» упершыню ў гісторыі здабыў тытул чэмпіёнаў Польшчы, што гарантавала месца ў Лізе чэмпіёнаў.

Актуальны на 10 лютага 2024 году

№ Пазыцыя Імя Год нараджэньня 1   Бр Уладан Кавачавіч 1998 3   Аб Мілан Рундыч 1992 4   Аб Стратас Сварнас 1997 5   ПА Густаў Бэрггрэн 1997 7   ПА Фран Тудар 1995 8   ПА Бэн Ледэрман 2000 9   Нап Лукаш Звалінскі 1993 10   ПА Іві Лёпэс 1994 11   ПА Джон Ебоа 2000 14   ПА Срджан Плаўшыч 1995 15   Аб Аднан Кавачавіч 1993 17   ПА Якуб Мышар 2002 18   Аб Адрыян Грышкевіч 1999 19   Нап Антэ Црнац 2003 20   ПА Жан Карлус 1996 21   ПА Давід Драхаль 2005

№ Пазыцыя Імя Год нараджэньня 23   ПА Пэтэр Барат (ар. Фэрэнцвараш) 2002 24   Аб Зоран Арсэніч (капітан) 1994 25   Аб Багдан Ракавіцан 2000 25   ПА Эрык Ума 1996 27   ПА Барташ Новак 1993 28   ПА Патрык Маляміс 2005 30   ПА Уладзіслаў Качэргін 1996 31   Бр Мухамэд Шахінавіч 2003 33   ПА Каміль Пэстка 1998 66   ПА Яніс Папанікаляў 1998 77   ПА Марцін Цэбуля 1995 80   Аб Матэй Родзін 1996 89   Бр Кацпэр Бешчад (ар. Заглембе) 2002 —   Аб Оскар Кшыжак 2002 —   ПА Даніель Шалянгоўскі 2002 —   Нап Кацпэр Масяк 2005

• Афіцыйны сайт