Кіраўніцтва Справамі Прэзыдэнта Рэспублікі Беларусь

Кіраўні́цтва спра́вамі прэзыдэ́нта Рэспу́блікі Белару́сь — установа забесьпячэньня і абслугоўваньня прэзыдэнта, ягонай Адміністрацыі, Дзяржаўнага сакратарыята Савета бясьпекі, Нацыянальнага сходу і Цэнтральнай камісіі па выбарах і правядзеньні рэспубліканскіх рэферэндумаў.

З 16 жніўня 2022 году пасаду кіраўніка справамі займае Юры Назараў.

Кіраўніцтва справамі прэзыдэнта Рэспублікі Беларусь
Абрэвіятура КСП РБ
Дата ўтварэньня 12 жніўня 1994 (29 гадоў таму)
Тып выканаўчая
Юрыдычны статус дзяржаўная ўстанова
Мэта Забесьпячэньне дзейнасьці прэзыдэнта
Штаб-кватэра Ленінскі раён, вул. К. Маркса, д. 38
Месцазнаходжаньне Менск
Дзейнічае ў рэгіёнах Беларусь
Афіцыйныя мовы беларуская, расейская
Кіраўнік Юры Назараў
1-ы намесьнік Мікалай Селіванаў
Намесьнікі Генадзь Богдан, Андрэй Сьвірыдаў
Кіроўны орган Сакратарыят
Матчына кампанія Прэзыдэнт Беларусі
Зьвязаныя кампаніі 106 прадпрыемстваў
Бюджэт 966,5 млрд рублёў (2012; $115,5 млн)
Колькасьць супрацоўнікаў 26 тысячаў (2009)
Сайт udp.gov.by/by

Будова

Кіраўніцтва справамі ўлучае:

Задачы

Паводле Статуту задачамі Кіраўніцтва справамі ёсьць:

  • забесьпячэньне і абслугоўваньне прэзыдэнта, дзейнасьці дзяржаўных установаў і кіраўнікоў;
  • забесьпячэньне і абслугоўваньне мерапрыемстваў дзяржаўных установаў з удзелам прэзыдэнта;
  • парадкаваньне аздараўленьня дзяцей за мяжой, уліку, атрыманьня і выкарыстаньня замежнай бязвыплатнай дапамогі;
  • ладжаньне ўліку, захоўваньня, ацэнкі і збыту адабранай і арыштаванай у даход дзяржавы і вызваленай у крымінальным працэсе ад арышту маёмасьці;
  • стварэньне належных умоваў для знаходжаньня ў Беларусі прадстаўнікоў замежных дзяржаваў і міжнародных арганізацыяў ды запрошаных у краіну прэзыдэнтам і дзяржаўнымі ўстановамі асобаў;
  • кіраваньне ахоўванымі прыроднымі землямі, забесьпячэньне іх захаванасьці і функцыянаваньня;
  • забесьпячэньне жытлом чыноўнікаў.

Паўнамоцтвы

Кіраўніцтва справамі ажыцьцяўляе:

  • атрыманьне і выдаткоўваньне прадугледжаных на ўтрыманьне дзяржаўных установаў сродкаў дзяржаўнага каштарысу.
  • выдаткоўваньне на дзейнасьць дзяржаўных установаў, вядзеньне рахункаводзтва і статыстычнага ўліку ў дзяржаўных установах, складаньне каштарысаў выдаткаў на іх утрыманьне, бухгальтарскай і статыстычнай справаздачнасьці;
  • нагляд за выкананьнем даручэньняў прэзыдэнта;
  • ухваленьне і нагляд за выкананьнем ведамаснага заканадаўства;
  • узгадненьне дзейнасьці дзяржаўных установаў і грамадзянаў у працы з накіраванай у даход дзяржавы маёмасьцю, аздараўленьні дзяцей за мяжой, атрыманьні і выкарыстаньні замежнай бязвыплатнай дапамогі;
  • выданьне дазволаў на аздараўленьне дзяцей за мяжой;
  • забесьпячэньне знаходжаньня ў Беларусі прадстаўнікоў замежных дзяржаваў і міжнародных арганізацыяў ды запрошаных прэзыдэнтам і дзяржаўнымі ўстановамі асобаў;
  • праектаваньне, будаўніцтва, набыцьцё, рэканструкцыю і рамонт нерухомасьці для дыпляматычных прадстаўніцтваў і консульскіх установаў Беларусі;
  • набыцьцё, абслугоўваньне і рамонт транспарту дзяржаўных установаў і чыноўнікаў;
  • кіраваньне дзяржаўнай маёмасьцю, ладжаньне абслугоўваньня нерухомасьці ў карыстаньні дзяржаўных установаў і чыноўнікаў;
  • здачу ў арэнду без права выкупу і ў бязвыплатнае карыстаньне нерухомай маёмасьці дзяржавы;
  • узгадненьне дзяржаўнага санітарнага нагляду;
  • узгадненьне нагляду за станам, выкарыстаньнем, аховай і абаронай лясоў, жывёльнага і расьліннага сьвету, вядзеньнем паляўнічай гаспадаркі, паляваньня і рыбалоўства ў падначаленых прыродаахоўных і лесагаспадарчых установах;
  • вызначэньне парадку ўліку, атрыманьня і выкарыстаньня замежнай бязвыплатнай дапамогі;
  • вызначэньне парадку нагляду за дзейнасьцю дзяржаўных установаў, упаўнаважаных выконваць выемку і арышт у даход дзяржавы маёмасьці;
  • выдаткоўваньне адмысловых фондаў прэзыдэнта;
  • забесьпячэньне дзяржаўных і парлямэнцкіх прадстаўнікоў, чыноўнікаў ў замежных камандзіроўках;
  • выдаткоўваньне на ладжаньне, забесьпячэньне і выкананьне літарных палётаў;
  • забесьпячэньне выкарыстаньня міжведамасных аўтаматызаваных інфармацыйных сыстэмаў;
  • ладжаньне вырабу, уліку і захоўваньня дзяржаўных узнагародаў, нагрудных знакаў да ганаровых званьняў, нагрудных знакаў членаў Савета Рэспублікі і дэпутатаў Палаты прадстаўнікоў Нацыянальнага сходу і пасьведчаньняў да іх, таксама ладжаньне вырабу службовых пасьведчаньняў чыноўнікаў;
  • накіраваньне супрацоўнікаў на падрыхтоўку і ведамасны нагляд;
  • лятарэйную і выдавецкую дзейнасьць;
  • узгадненьне выставаў і кірмашоў падпарадкаваных установаў;
  • забесьпячэньне патрэбаў насельніцтва ў вырабах народных мастацкіх промыслаў і сувэнірах;
  • разгляд зваротаў грамадзянаў і юрыдычных асобаў службовымі асобамі.

Мінуўшчына

2 верасьня 2020 году сайт Кіраўніцтва справамі быў узламаны кібэрпартызанамі, на галоўную старонку вывесілі бел-чырвона-белы сьцяг і фатажабу(uk) на Віктара Шэймана.

За 2020 год выручка прадпрыемстваў Кіраўніцтва справамі прэзыдэнта Беларусі вырасла на 40 % да 2,6 млрд рублёў (1,057 млрд $) пераважна за кошт будаўніцтва, земляробства і прамысловасьці. Дадатнае сальда ад гандлю дасягнула каля 150 млн даляраў ЗША, што склала каля 10 % ад памеру дадатнага сальда Беларусі.

Кіраўнікі

  1. Іван Ціцянкоў (1994—1999)
  2. Уладзімер Ганчарэнка (1999—2001)
  3. Галіна Жураўкова (2001—2004)
  4. Генадзь Лаўранкоў (2004—2005)
  5. Аляксандар Кулічкоў (2005—2008)
  6. Мікалай Дамашкевіч (2008—2009)
  7. Мікалай Корбут (2009—2013)
  8. Віктар Шэйман (2013 — 11 чэрвеня 2021)
  9. Валеры Іваноў (з 8 ліпеня 2021)

Санкцыі ЭЗ

17 сьнежня 2020 году Рада Эўрапейскага зьвязу(be) унесла ў «чорны сьпіс Эўразьвязу» ГГУ – Дзяржаўная ўстанова «Галоўная гаспадарчая ўправа» Кіраўніцтва справамі прэзыдэнта Рэспублікі Беларусь за «атрыманьне выгады ад рэжыму Лукашэнкі й падтрымку яго». Пры абгрунтаваньні санкцыяў таксама адзначалася, што гэта найбуйнейшы апэратар на рынку нежылой нерухомасьці й куратар мноства кампаніяў у краіне, у той час як Аляксандар Лукашэнка папрасіў кіраўніка ГГУ Віктара Шэймана пракантраляваць бясьпеку прэзыдэнцкіх выбараў 2020 году. Таксама Галоўную гаспадарчую ўправу ў свой санкцыйны сьпіс уключылі Вялікабрытанія і Швайцарыя. 26 студзеня 2021 году да сьнежаньскага пакету санкцый ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Чарнагорыя.

Крыніцы

Вонкавыя спасылкі

Tags:

Кіраўніцтва Справамі Прэзыдэнта Рэспублікі Беларусь БудоваКіраўніцтва Справамі Прэзыдэнта Рэспублікі Беларусь ЗадачыКіраўніцтва Справамі Прэзыдэнта Рэспублікі Беларусь ПаўнамоцтвыКіраўніцтва Справамі Прэзыдэнта Рэспублікі Беларусь МінуўшчынаКіраўніцтва Справамі Прэзыдэнта Рэспублікі Беларусь КіраўнікіКіраўніцтва Справамі Прэзыдэнта Рэспублікі Беларусь Санкцыі ЭЗКіраўніцтва Справамі Прэзыдэнта Рэспублікі Беларусь КрыніцыКіраўніцтва Справамі Прэзыдэнта Рэспублікі Беларусь Вонкавыя спасылкіКіраўніцтва Справамі Прэзыдэнта Рэспублікі БеларусьАдміністрацыя прэзыдэнта Рэспублікі БеларусьНацыянальны сход Рэспублікі БеларусьСавет бясьпекі Рэспублікі БеларусьЦэнтральная камісія па выбарах і правядзеньні рэспубліканскіх рэфэрэндумаў Рэспублікі БеларусьЮры Назараў

🔥 Trending searches on Wiki Беларуская (тарашкевіца):

Алесь СавіцкіСахалінская вобласьць30 красавікаГолас Часу (1945)Майкрасофт1896КантынэнтУнівэрсальны каардынаваны часЧорны замак АльшанскіВольга ЧамаданаваНавасёлкі (Навасёлкаўскі сельсавет, Пастаўскі раён)VPNСэрбская моваÆМаркетынгШмоняФартэпіянаСамасейВольга БабковаПрыказкаЮрась ШамецькаUbuntuРыекаВадзім БолбасІсьляндзкі коньЖанна Некрашэвіч-КароткаяГенадзь ПашкоўБабёрАртур ВольскіСьпіс раёнаў Беларусі паводле насельніцтваДарога Р43 (Беларусь)Прамяністыя (таварыства)ГарбатаПорнгабАндрэй ХадановічПрыпяцьІнданэзіяУладзімер КаткоўскіМікола ПракаповічГрошыГісторыя БеларусіБАТЭ БарысаўКаханьне без пранікненьняСельская гаспадарка БеларусіЗьміцер СаўкаКамянецАркадзь СмолічРыфмаМіс СусьветСонцаСяргей ДавідовічРэгіёнMemento moriПаўстаньне 1863—1864 гадоўКірыл КоктышКові (рэжысэр)Ойча нашДарожная сеткаМіндоўг (імя)Тутэйшыя (фільм, 2007)Бісэксуальная парнаграфіяКампутарная сеткаПэрыядычная сыстэма хімічных элемэнтаўШвэцыя633ТытанікВугоршчына🡆 More