Дыяле́ктыка — філязофскі мэтад, які базуецца на дыскурсе паміж двума або больш людзьмі, якія маюць розныя пункты гледжаньня аб прадмеце, але жадаюць усталяваць ісьціну праз аргумэнтаваныя довады.
Сустрэча тэзіса і антытэзіса ў пазнавальных мэтах. Дыялектыка нагадвае дыскусію, аднак, яна пазбаўленая суб’ектыўных элэмэнтаў, як то эмацыйная прывабнасьць і прыніжальны сэнс рыторыкі. Дыялектыка робіць акцэнт на лягічных, а не эмацыйных аргумэнтах, спрабуе знайсьці ісьціну, а не пераканаць апанэнта. Гэты мэтад можа быць супрацьпастаўлены дыдактычнаму мэтаду, дзе адзін бок размовы вучыць іншы.
У больш вузкім сэнсе — мэтад спазнаньня, мэтадалягічны прынцып, які зьдзяйсняецца па схеме «тэзіс-антытэзіс-сынтэз». У суадноснасьці з гэтым прынцыпам, суб’ект, які пазнае, спачатку вылучае нейкую зьяву ў рэчаіснасьці і для яе фармулюе тэзіс — панятак ці сьцьвярджэньне. Далей зьдзяйсьняецца фармаваньне антытэзісу, і толькі потым суб’ект мае магчымасьць перайсьці да разгляду і вывучэньня ўзаемасувязі тэзіса і антытэзіса, што дазваляе пабудаваць сынтэз. Далей сынтэз можа быць разгледжаны як тэзіс больш высокага ўзроўню. Такім шляхам зьдзяйсьняецца выкрыцьцё ісьціны.
У адрозьненьне ад мэтафызычнага прынцыпу дыялектыка прызнае дынамічнасьць нашых ведаў, паняткаў аб рэчаіснасьці, якая сама дынамічна. Таму гэты мэтад неабходна патрабуе выкарыстоўваць як дэдуктыўныя схемы разважаньняў, якія ўжываюцца ў клясычных фармальных лёгіках, так і схемы тэмпаральных (часовых) лёгік і іхных пашырэньняў.
Дыялектычны мэтад быз распрацаваны Георгам Гэгелем. Дыялектыка зьяўляецца мэтадалягічным прынцыпам дыялектычнага матэрыялізму, які ў асноўным быў распрацаваны Карлам Марксам і Фрыдрыхам Энгельсам, якія па сутнасьці адаптавалі Гэгелеўскую дыялектыку ў традыцыйны матэрыялізм. Важным у дыялектыцы, у адрозьненьне ад рэлятывізму, зьяўляецца суадноснасьць абсалютнасьці і адноснасьці.
This article uses material from the Wikipedia Беларуская (тарашкевіца) article Дыялектыка, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.