Барда, Барта — мужчынскае імя і вытворнае ад яго прозьвішча.
Барда лац. Barda | |
Bardo | |
Паходжаньне | |
---|---|
Мова(-ы) | германскія |
Іншыя формы | |
Варыянт(ы) | Барта |
Зьвязаныя імёны | Бардзіла, Барцін, Бартаўт |
Зьвязаныя артыкулы | |
якія пачынаюцца з «Барда» |
Барда або Барта (Bardo, Barto) — імя германскага паходжаньня. Іменная аснова -бард- (-барт-) паходзіць ад гоцкага *bards 'волат' або ад стараверхненямецкага barta 'баявая сякера'. Сярод ліцьвінаў бытавалі імёны Бардзіла (Бартэль), Бардзін (Барцін), Бартаўт (Барталт, Бартальт, Бартальд). Адзначаліся германскія імёны Bardilo (Bartel), Bardinus, Bartolt (Bartold). Іменная аснова -барт- таксама магла ўтварыцца ад асновы -бэрт- (e > a).
Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Bart, Barta, Bartołt (Bartoldus), Abart, Albart, Libard (Libart), Lubard (Lubart), Zybart, а таксама гібрыднага германска-славянскага Suchobart.
У 1632 і 1635 гадох ў Каралявецкім унівэрсытэце навучаўся Gregorius Barth, Regiomontanus Borussus.
Варыянты імя ў гістарычных крыніцах: Анъдрею Бардичу 10 копъ грошеи (28 кастрычніка 1488 году); люди нашы слонимцы… Микула Бардович (студзень 1498 году); што Бардичъ держитъ въ Котчищахъ (1498 год); Borthowicze (1510 год); людеи нашыхъ Слонимъцовъ… а Микулу Бардовича (4 чэрвеня 1511 году); Семенъ Барда (1528 год); Матеи Борътовичъ Щерги (1565 год); двор Богдана Барды (8 траўня 1579 году); Sienko Bardzicz… Owsiey Bardzicz (1638 год).
У актах Вялікага Княства Літоўскага ўпамінаўся маёнтак Борды (Борды) у Жамойцкім старостве, а таксама фальварак Борцішкі (Бортишки) у Віленскім ваяводзтве.
На 1904 год існавала вёска Бардзінск у Красьнянскім павеце, а таксама вёска Бардзіна ў Парэцкім павеце Смаленскай губэрні.
На 1906 год існавалі вёскі Бардзіна і Бардаўка ў Невельскім павеце Віцебскай губэрні.
На 1910 год існаваў хутар Бардзін у Гомельскім павеце Магілёўскай губэрні.
На памежжы гістарычнай Упіччыны і Жамойцкага староства існуе вёска Бардышкі.
This article uses material from the Wikipedia Беларуская (тарашкевіца) article Барда, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.