Помнік абарончай архітэктуры | |
Бабруйскі замак | |
Бабруйскі замак | |
Краіна | Беларусь |
Места | Бабруйск |
Дата заснаваньня | XIV ст. |
Бабруйскі замак на Вікісховішчы |
Бабруйскі замак — помнік гісторыі і абарончай архітэктуры ў Бабруйску. Знаходзіўся на правым беразе ракі Бярэзіны. Існаваў у XIV—XVIII стагодзьдзях.
Драўляны замак у Бабруйску збудавалі ў XIV ст. За час існаваньня спазнаў некалькі аблогаў і разбурэнняў. У 1502 і 1503 гадох яго спусташалі крымскія татары, у 1506 годзе неаднаразова браў у аблогу мяцежны князь Міхал Глінскі.
У студзені 1649 года замак згарэў у час аблогі войскамі гетмана Януша Радзівіла, у сакавіку 1655 году замак спалілі казакі Івана Залатарэнкі, у 1665 годзе замак згарэў у час чарговай казацкай аблогі. У другой палове XVII ст. паступова страціў свае фартыфікацыі. У выніку перабудовы 1692 году цалкам страціў абарончыя функцыі.
Па другім падзеле Рэчы Паспалітай (1793 год), калі Бабруйск апынуўся ў складзе Расейскай імпэрыі, на пляне места 1794 году сьляды замка яшчэ выразна захоўваліся.
Паводле інвэнтароў 1638 і 1684 гадоў, меў плошчу 13,5 моргаў (9,6 га). З боку ракі ахоўваўся высокім стромкім схілам і двума драўляна-землянымі збудаваньнямі бастыённага тыпу, зь іншых бакоў — ровам шырынёй да 15 мэтраў, земляным валам з трыма рэдутамі, на якім былі дубовыя сьцены з трыма вежамі. Да ўмацаванай уязной брамы (падвойныя вароты, сыстэма жалезных запораў) вёў драўляны мост. На тэрыторыі замка стаялі 2-павярховы жылы дом і гаспадарчыя пабудовы на падклетах.
This article uses material from the Wikipedia Беларуская (тарашкевіца) article Бабруйскі замак, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.