Kagayonan

Pig-aadalan an kagayonan bilang kabtang kan estetika, sosyolohiya, sikolohiyang panlipunan, asin kalinangan. Bilang sarong linikhang pangkultura, urog na nagin komersyalisado an kagayonan. Sarog katawuhan o hawak an "ehemplong kagayonan" o "kagayonan na ideyal" na inoomaw, o igwa nin mga katangian na lakop na ibunubunton sa isip nin kagayonan sa sarong partikular na kultura, para sa perpeksyon.

Parating kinasasangkutan an pagkaranas nin "kagayonan" nin pagkasabot nin pirang mga entidad bilang nasa laog nin balanse asin harmoniya nin kalikasan, na mapupwedeng mag-abot sa mga namamatean nin pagkadagka asin marhay na kapakanan na pangnamamatean. Huli sa saro ining karanasan na nasa isip, personal, o pangsadiri, parating na sinsabing "ang kagayonan iyo an nasa mata kan naghihiling." Sa sentido kaini, mapupwedeng magbunga an kagayonan nin sarong risang karanasan nin positibong maingat na paglilimi dapit sa kahulugan kan pangsadiring pag-eksistir. An tema kan kagayonan iyo an anoman na bagay na nagpapahiling nin kahulugang pansarili.

Nanompongan kan mga parasaligsig na an mga marhay na pamamdok na mga estudyante nakakakua nin halangkaw na mga grado gikan sa saindang mga paratukdo kisa sa mga estudyante na igwa nin ordinaryong pamandok. An ibang mga pag-aadal naggagamit nin mock criminal trials nagpapahiling na an physically attractive "defendants" dakula an posibilidad na dai naaakusahan—asin kun maakusahan posibleng makaresibe nin magian na sentensya—kisa sa bakong masyadong atraktibong mga tawo (minsan ngani an kabaliktaran na epekto iyo an naobserbaran kapag an suboot na krimen iyo an swindling, siguro ta na nahihiling kan mga jurors an kagayonan kan defendant bilang iyo an dahilan kan krimen). An mga pag-aadal sa mga tinedyer asin aking adulto, siring kan sa mga psychiatrist asin self-help author na si Eva Ritvo nagpapahiling na an kamugtakan kan kublit igwa nin hararom na epekto sa social behavior asin oportunidad.