An Pansit Bato o Pansit Bikol iyo saro sa mga kakanon na pinaguurgulyo kan mga Bikolano.
Napapalain sa iba ang pansit na ini nin huli ta sa Bikol mo sana ini mahihiling. Ini gikan asin orihinal na gibo sa banwaan kang Bato, Camarines Sur kan mga pamilyang Declaro.
Alternatibong ngaran | Pansit Bikol |
---|---|
Klase | Noodles |
Ginikanang lugar | Filipinas |
Rehiyon o istado | Bato, Camarines Sur |
Temperatura nin pagsirbe | Mainit o maimbong |
Birilog asin saradit sana ang hibla kan orihinal na gibo kan pansit na ini. Ginisa an pirmi-pirming luto sa pansit na ini. Ini saro sa pinakamasiram na pansit nin huli ta dawa sibulyas, bawang, hibi asin tawyo sana an ugwa ka solb ka na. Sa presenteng panahon kadakol iba-ibang klase nin variation an mahihiling mo, ugwa nang flat noodles, may halo nin gulay na carrots, hinaluan nin kalunggay, asin iba pa.
Sa sarong dakulang kawali, gisahon an sibulyas sagkud bawang. Kagan ini nin karneng orig dangan pasayan asin lutuon sa laog nin duwa hasta tulong minutos hasta sa matusta an karne. Kagan man ini nin tawyo, patis, asin kadiit na paminta dangan lutuon giraray sa laog nin duwa hasta tulong minutos. Kagan nin walo hasta sa sampulong tasa nin ginagaan na tubig hali sa orig asin tibulaka kan mga pasayan. Bayaan ining magkalaga-kaga sa laog nin tulo hasta limang minutos. Ikaag an Pancit Bato asin lutuon naman ini sa laog nin anom hasta sampulong minutos, kusang maglumoy an Pancit asin magsagum igdi an lasa kan mga ipigsabaw na tubig. Ikaag an mga gulay asin lutuon ini giraray sa laog nin tulo hasta limang minutos o hasta maluto sana an mga gulay. Timplalhan ini basado sa saimong panlasa. Kagan nin suwa kun kaipuhan.
This article uses material from the Wikipedia Bikol article Pansit Bato, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.