Ligtas Na Pagkitoan

An "ligtas na pagkitoan" kun minsan pigpapanongdan man na mas ligtas na pagkitoan o protektadong pagkitoan tanganing iindikar na an ibang praktis kan ligtas na pagkitoan dai naiiliminar an peligro kan STI. Kun minsan iyan piggagamit na kolokyal tanganing iladawan an paaging na igwa nin katuyohan na maibitaran an pagbados na posible o bakong posible na mapababa an peligro k STI.

An konsepto kan "ligtas na pagkitoan" nagbutwa kaidtong dekada 1980 bilang sarong kasimbagan sa pankinàban na AIDS epidemic, asin posibleng urog nang espesipiko sa AIDS crisis sa Estados Unidos. An pagbusol kan ligtas na pagkitoan sa ngunyan iyo an saro sa pangenot na katuyuhan kan edukasyon sekswal asin an pag-ibitar sa STI, urog na an pag-ina sa bàgong impeksyon kan HIV. An ligtas na pagkitoan pighihiling bilang sarong estratehiya na harm reduction na igwa nin katuyohan na inaan an peligro kan pagkaolakit sa STI.

Minsan ngani an ibang ligtas na pagkitoan (siring kan kondom) pwede man na gamiton bilang birth control (contraception), an kadaklan kan porma kan contraception dai nagpoprotehir kontra sa STIs. Siring man, an ibang mga praktis kan ligtas na pagkitoan safe, siring kan pagpili nin partner asin low-risk sex behavior, posibleng bagong epektibong porma nin contraception.