Pagdurog Na Pangngoso

An Cunnilingus iyo an oral na pagdurog sa vulva o vagina, mantang an fellatio o oral sex na ginigibo sa putoy. An Anilingus, saro pang klase nin oral sex, iyo an istimulasyon sa labot kan lubot.

An pagdurog na pangngoso sarong foreplay na nagpapangyari sa sexual arousal bago an ibang sekswal na aktibidad (arog baga nin vaginal o anal na pagdurog), o bilang erotiko asin pisikal na intimate act. Arog kan kadaklan na klase nin sekswal na aktibidad, an oral na pagdurog pwdeng magtao nin peligro sa pagkaigwa nin mga impeksyon na ikinaoolakit sa paagi kan pagdurog (STIs/STDs). Minsan siring, an temporaryong peligro para sa oral sex, nangorogna sa HIV transmisyon, mas hababa nanggad kisa sa daing na pagdurog na pamputay o pagdurog na panlubot.

An pagdurog na pangngoso sa parate ibinibilang na taboo, alagad an kadaklan na nasyon mayo nin mga ley na nagbabawal sa kaugalean na iyan. Sa komun, an oral sex dai ibinibilang nin mga tawo na may epekto sa pagigin birhen kan arin man na partener, minsan ngani nagkakalaenlaen an opinyon manongod sa bagay na iyan. An mga tawo posibleng igwa man nin negatibong mga saboot o sekswal na inhibisyon manongod sa pagtao o pag-ako nin oral sex, o posibleng hayag na nagsasayumang gibohon iyan.