Petsay

An petsay (Ingles: chinese cabbage; Brassica rapa, sub-espesye na pekinensis asin chinensis) natutungod sa duwang grupong cultivar nin gulay na dahonan na parati ginagamit sa Gisong tsino asin uso man sa bilog na Asya: an inapod na Grupo Pekinensis (napa cabbage) asin an Grupo Chinensis (bok choy).

Petsay o Chinese cabbage
SpeciesBrassica rapa
GrupoGrupo Chinensis, Grupo Pekinensis
HinalianTsina, bago sa Ika-15ng siglo
Miyembro kan grupoDakulon; basaha sa teksto
Petsay
Brassica rapa subsp. pekinensis

An ma-dahon na gulay na ini sinasabing baryant na cultivar o subspecies kan turnip asin napipisan sa parehas na genus arog kan garamiton sa Amerika na inaapod na repolyo, broccoli, asin coliflor. Ini parehas daa kadakul na iba-ibang mga pangaran, ispeling asin klapikasyon sa syensia, orog na daa an bok choy na cultivar.

Historya

An petsay dati pigkukultibar sa ronang Delta kan Salog Yangtze, alagad an naturalista kan Dinastiyang Ming na si Li Shizhen pinabantog ining marhay huli kan tradisyonal na pakinabang kaini bilang medisina. An variant na pigkultibar sa Zhejiang mga ika-14 na siglo dinara sa amihanan asin ta an gosi kan norte kan napa cabbage mas dakul na logod kan sa gosi sa habagatan. An dagyang produksyon ibinalik sa habagatan na nag'aagi sa Grand Canal pasiring Hangzhou asin pigkomersyo paaging dagat hanggan sa harayong banda nin Guangdong.[nangangaipo nin toltolan]

An Napa cabbage nangyari ordinaryong lutoon sa gisong Northeastern Chinese sa paggibo nin suan cai, sa-Intsik na sauerkraut. Sa Korea, an napa cabbage nagigin baek-kimchi. Asin ta ini nangagin nang kimchi.[nangangaipo nin toltolan] An petsay komun nang nakukua sa mga saodan sa bilog na kinaban.

Kan 2017, lunad sa International Space Station, sarong patubo nin petsay pigmantener para sa konsumo kan mga taga-ISS asin nagtada man para sa adal sa syensia.

Grupong Cultivar

Igwang duwang laen-laen na grupo nin cultivar kan Brassica rapa na gamit sa paggugulay sa Tsina asin may mahiwas na pagkairiba man ngani sa laog kan mga cultivar na ini. An binomial na pangaran B. campestris inuusar man.

Grupong Pekinensis

An grupong Pekinensis, iyo an popular na maray urog na sa luwas kan Asya; mga arapodan sa napa cabbage, na dà báicài (Chinese: 大白菜, "large white vegetable"); Baguio petsay o petsay wombok (Tagalog); Chinese white cabbage; "wong a pak" (Hokkien, Fujianese); baechu (Koreano: 배추), wongbok asin hakusai (Japanese: 白菜 o ハクサイ) parati iyo an mga kaarayon sa grupong ini. An mga Grupong Pekinensis na petsay may mga haralakbang na dahon na puting-puti an takogong, higot na nagpapatos na bilogon sa porma. Siring sa nasasambit sa pangaran, ini popular sa amihanan Tsina sa paralibot kan Beijing (Peking).

Grupong Chinensis

Petsay 
Bok choy
Petsay 
Bok choy, biklad pa

An Grupong Chinensis na mga cultivar daing napormang bilogon na payo; imbes ini may mahalnas asin mairom na berdeng mga dahon nagpopormang kurumpol nakaagid sa mustard o celery. An mga cultivar na ini popular sa habagatan Tsina asin sa Sur-subangan na Asya. Ini palibhasa kaya an lipot nin imbyerno, nagigin nang popular itanom sa Amihanan na Europa. An grupong ini daa orihinal napipisan sa sadiring species niya sa irarom na pangaran na B. chinensis ni Linnaeus.[nangangaipo nin toltolan]

Hilnga man

  • Repolyo, an kapinsan na Europeong gulay na B. oleracea Grupo Capitata
  • Gai lan (芥兰, p jièlán), an Tsinong gulay na B. oleracea Grupo Alboglabra
  • Rapeseed (油菜, p yóucài), an ka-pinsan na B. napus kinukunsomo sa Tsina bilang gulay ("yu choy")
  • Turnip, parehong species B. rapa na kinukultibar sa Europa huli sa saiyang unod.

Toltolan

Mga panluwas na takod

Tags:

Petsay HistoryaPetsay Grupong CultivarPetsay Hilnga manPetsay ToltolanPetsay Mga panluwas na takodPetsayBrassica rapaIngles

🔥 Trending searches on Wiki Bikol:

Union EuropeaTondo, ManilaWikiLeaksHungaryMolly AntopolKuwawDam nin WawaBagasTaroLehislaturaInglateraSanta Maria, BulacanBrasilDoloresMylene Dizon1533AbakaInhenyeriyaKanlaonWebsityoTsinelasNobyembre 21TelebisyonArtipisyal na intelihensyaPagdurog na pangkamotStrawberryEl Filibusterismo1753IndonesyaOktobre 21OrasBritney SpearsFernando Poe Jr.ApelyidoTataramon na Espanyol802PayongSimbahan nin DaragaNederlandsTriboPiombinoBulkanArmenyaDugoBuhayJuan LunaKlimaTangcong Vaca Guerilla UnitAbril 8Lobo, BatangasDueroManuel QuezonSanto Niño, South CotabatoPambanwang Museo kan FilipinasNobelaPabrikaEthel Booba1833ISO 3166-1Merkuryo (planeta)RombusVocabulario de la Lengua BicolEskwelahanSementeryoAninipotSuisaTangladRawitdawitTribadismoOccidental Mindoro🡆 More