An dubnyo (Ingles: dubnium) iyo sarong sintetikong elementong kimikal na may simbolong Db asin atomikong bilang na 105.
An dubnyo iyo radyoaktibong maray: an pinakapusog na bistadong isotopo, an dubnyo-268, igwa nin kabangang-buhay na harus 28 na oras. Piglilimitahan ngani kaining maray an mas pinahiwas pa sanang pag-aadal sa dubnyo.
An dubnyo dae natural na mahihiling sa Kinaban asin iyo namomokna sana nin artipisyal. An Sobyet na Joint Institute for Nuclear Research (JINR) pig-aako an enot na pagkadiskobre kan elemento kaidtong 1968, na pigsundan kan Amerikanong Lawrence Berkeley Laboratory kaidtong 1970. An parehas na grupo nagtao nin saindang ngaran para sa bagong elemento asin piggamit ini nin mayong pormal na pagtugot. An haloy na karibongan iyo nasimbagan kaidtong 1993 sa paagi nin opisyal na imbestigasyon kan pagkadiskobreng pag-ako kan Transfermium Working Group, na namokna kan International Union of Pure and Applied Chemistry asin International Union of Pure and Applied Physics, na nagresulta sa pagbisto sa pagkadiskobre na opisyal na pigtao sa parehas na grupo. An elemento iyo pormal na pigpangaranan na dubnium kaidtong 1997 pakatapos kan banwaan nin Dubna, an pig-eerokan kan JINR.
An Wiki Commons igwa nin medya dapit sa Dubnyo. |
This article uses material from the Wikipedia Bikol article Dubnyo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.